觀塘區工廠臨立, 亦都多左好多新起的甲級寫字樓 無論食肆有幾多, 好多都佈滿哂人同排哂長龍 為了滿足不同類型同基層的顧客, 平的貴的都有, 而最近開了一間價錢比較高少少的酒樓 – 孔夫子 新年上司再請我地到孔夫子食LUNCH, 剛好安排了房比我地(可能訂了木台而冇位吧) 平常係有最低消費架! 點擊圖片放大 +2 整個環境木台與木台之間都好闊落,燈光鮮明 佈置十分之中國化 上司請客,當然係佢發辦啦 黑毛豬叉燒 入口鬆化唔“鞋”口蜜汁不會太甜 伴碟的豆都好入味 食完一舊忍唔住繼續食落去 黃金鍋巴- 咸蛋黃近期係香港大起熱潮 鍋巴十分之脆口而唔太油膩 每舊都沾滿咸蛋黃 由於我地8人,想每人都可以食到 侍應同我地講可以嗌一份半(當然價錢平均計番) X.O醬煎腸粉 唔食得辣的朋友應該會嫌辣 鍋盤沙薑雞焗飯 沙薑味唔濃 飯就粒粒分明 始終唔係蒸飯,冇濕濕潤潤的感覺 (我個人偏愛這種) 櫻花蝦煎蘿蔔糕 孔府招牌腸粉 類似平時飲茶的春風得意腸 內裡脆卜卜的 入面有唔同類型的蔬菜絲 仲嗌左唔同類型的點心 總括而言, 雖然呢類酒樓價格比一般貴少少 但換來的服務同食物的質素都好一點 如果要同客食飯,都係一個好選擇 不過以我呢一類小資女來講 都係等上司請先會再去喇