來到第三日行程, 今日的早餐就試下另一款食物 waffle同炒金邊粉 原本的行程係早餐後再到榮泰繼續食 但經過尋日的經歷後, 還是趁好天氣先享受一下陽光吧 泳池的賣點唔係大..而係infinity pool 當天人都不算太多.. 同陽光玩完遊戲後就出發去泰榮喇(我期待了好耐) 泰榮係Facebook某Group十分之出名 最後真係冇期望太高,因為真係好好味!! 冬陰湯底都算辣,幸好我地嗌了兩碗清湯 然後過少少冬陰湯底到清湯底到, (我就唔洗太辣而食唔到喇) 至於必點的炸魚皮 佢係屬於偏薄身的,十分之香脆 下次去曼谷, 我一定會再ENCORE 而今次亦都推薦左朋友去喇! 希望佢地都喜歡啦 食完之後我地坐左1個站到Terminal 21 原本我唔打算編排呢個行程 但父母比較喜歡去呢到行逛 所以順道食埋Afteryou 記得前幾年同朋友去曼谷, Afteryou還未推出這個系列, 今次一試都覺得幾特別同好味 之後再到地下的Supermarket試埋泰國奶茶雪糕 完了t21的行程後就轉戰Siam (呀!!接下來又係食) 今次唔再選擇水門街好出名的海南雞飯 而嘗試某facebook group的網友介紹的餐廳 位於British Council Siam Square的附近 其實味道都十分之不錯, 亦都比第二日行程係Or Tor Kor好味得多! 其實下次如唔係去水門街附近換錢, (因為其實還有其他地方換錢係抵GE) 不妨可以試下E一間食海南雞飯呀! 接著來是晚餐,原本有三個選擇ge.. 但最後決定行到邊食到邊的方案 所以選擇了Siam Centre的Som Tam Nua 最出名除了青木瓜沙律外,應該雞翼都是必點吧! (但我發覺原來冇影相) 點擊圖片放大 最後食飽當然要消化一下 今次選擇行到去水門Platinum mall附近行攤檔 Platinum mall晚上好早就關門,但附近有人出來擺檔 同時亦有一個小型夜市-Neon Night Market 我地決定買點宵夜回酒店食 不過今次條燒魚絕對冇係火車的夜市的好食 雖然沒什麼肉汁,但都可以GE 點擊圖片放大 一整日都是以美食為主題! 可能因為聽日要番香港了啦