今日係日本關西之旅的最後一天 其實我地係坐16:00機 但聽聞關西機場多野行.. 所以我地食完早餐就出發去機場 仲發生左一件好蠢的事 話說我地坐番南海電鐵出機場.. 正常人都知機場會係總站落車 但我竟然..見到d人拎住d喼落車我就跟住落 但明明我落車那一刻仲見好多人坐定定 我竟然依然冇理會到就落車.. 但其實人地只係去outlet行街 天呀!!點解我咁蠢!! 落左車之後有熱心的香港人話我地知 係呢個站坐JR都可以番機場架 點知..係出唔到閘的.. (因為入閘係南海電鐵, 唔可以係JR閘出) OK,冇問題, 南海電鐵個閘口係側邊 可惜通去南海電鐵果位被封了!!! 天呀!這麼近那麼遠!! 我地又要坐番JR去番頭先個站再坐南海電鐵再去番機場 不過唔緊要, 我們有的是時間! 去到未CHECK得IN住..就落一層行下 其實舖頭係都唔算太多..但比較啱行… 我、媽咪同舅母仲係earth music and ecology消磨左一陣時間 雖然冇得退稅, 但點都要買D衫番香港先對得住自己 check完in之後我地仲有時間去食野 (其實係專登入去機場食大阪燒) 因為之前都冇機會食佢--波天久(ぼてぢゅう) 點擊圖片放大 +2 入到禁區繼續買..買到最後一刻就要上疋機番香港喇 再見關西!! **後記** 下一趟旅行已定左於10月中 而地點就二算一 一個係成日去的城市, 而另一個就未踏足的城市 兩個地方都想去!!做唔到決定 要趁呢幾個月睇下邊個地方有平機票喇!!