第三天係我整趙旅程最期待的一天 上午去了大阪今昔館.. 係我親戚建議我去..十點鐘開館 去到的一刻已經好多人排隊等入去 但係唔知點解得一架電梯由地面上到八樓.. 都排左一段時間先上到去 而呢到大部份的旅客都韓國人 而我覺得個館最特別的係..會模仿日頭、夜晚、行雷同落雨 (不過唔會真係有水滴落來,放心) 亦都可以比錢借和服著 下一個景點就係萬眾期待的黑門市場 萬眾期待的原因係因為我吃貨一名(自稱) 點擊圖片放大 Daddy一入到去就被牛吸引著 之後就轉場到黑銀食吞拿魚 (依家回想番..我地嗌得太少) 點擊圖片放大 之後又再去食牛,呢一款神戶牛比剛才的好食) 點擊圖片放大 下一站-黑門三平 牛,Mammy係唔食ge.. 所以佢專登揀左佢至愛的蟹食 食完黑門三平後..都好店多關左門 所以冇乜選擇之下, 是但揀左間即開海膽 可惜..並沒有剛才那板海膽好食 臨走前我都要買個草莓大福作甜品 食飽之後我地去左同屬日本橋站的一個地方 那個地方有好多動漫的產品賣 舅父買完佢想要的野後,,我地決定行去心齋橋 Google map真係一個好好的發明 上次獨遊台中都係靠佢! 一路跟住個地圖行,就會經過難波站 之後就沿路直行去道頓堀及心齋橋逛街 由於我本人需要買一個護膚品的牌子並唔係每間藥妝店都有… 之前係梅田站又搵唔到佢的蹤影(係兜左好多次都冇) 我心有不甘的情況下,比我發現原來心齋橋OPA入面一間藥妝店有呢個品牌 就決定係呢個地方掃貨! 掃完貨由八樓逐層掃落去! 可惜時間唔夠..原來有好多野賣架!(唯有下次再來過) 每一層極速行完之後就決定放低D野係民再出去食晚飯 可惜太餓的關係..未到民宿就已經一袋二袋搵間牛丼連鎖店做晚餐 食完回民宿休息一陣, 在我的慫恿下出去激安之殿堂 去到就只有3種感覺!很迫很熱很多人! (呢到的人亦都係主要來自韓國, 令我一度懷疑韓國係咪公眾假期) 激安之殿堂退稅我覺得比較麻煩, 要分開兩個地方進行 其實每一晚係日本都好需要宵夜(因為想食好多野) 所以去超市買了點食物做宵夜, 不過今次就簡單D 點擊圖片放大 +2