六本木Tokyo Midtown夜櫻 我哋喺目黑站附近醫好肚，就行番去目黑站搭車去六本木繼續觀賞夜櫻。 途中經過一棵好似桃花ge櫻花。喂，sakura！做咩扮桃花啊？！ 我哋由Tokyo Metro南北線目黑站搭到六本木一丁目站，除咗有Doraemon Tokyo Metro ge 廣告，當然唔少得Tokyo Midtown Blossom ge廣告牌啦！ 因為design同用色好靚，忍唔住收藏咗一份！ Tokyo Midtown是一個位於日本東京都港區的多用途都市開發計劃區。而整項計劃的地標建築Midtown Tower是一座地下5層、地上54層，全東京最高ge大樓！ Midtown Tower設有餐廳、住宅、辦公室、商場、美術館、診所同公園等多種設施。而主要設施係位於中城大廈高層（45～53樓）ge酒店 The Ritz-Carlton Tokyo 同從赤坂搬嚟ge Suntory Museum! 好多企業都將總部設係Midtown Tower，包括Yahoo JP、Fujifilm等等。嗰日一出就見到Fujifilm Square 有相片展同相機展，可惜去到已經closed！ 櫻花、桃花、梅花我都識得分，但竟然唔識得分真•櫻花定係假•櫻花。 一開始我以為呢棵喺Midtown Tower外面ge盆栽櫻花係假ge，我行到超近都睇唔出，點知一陣風吹過竟然有花瓣飄落......真•櫻花，你真得嚟都好假姐！ 我哋冇行入商場，而係沿著呢條櫻花路一直向公園行，隔離仲有小噴泉，都有幾多人散步放狗，幾正！ 一直行到連接商場ge天橋，就見到好似火樹銀花般ge櫻花大道！ 之前一直行過嚟都冇咩人，點知原來大家都聚集喺度，真係超多人 ，個個都想揀霸個靚位影相。 同目黑川夜櫻相比，Midtown夜櫻就好似時尚都會女郎，而目黑川夜櫻就是大和美女，各有各ge風姿，各有各ge魅力！ 喺橋上面賞完櫻，梗係要係橋下賞櫻啦！呢個時候先發現，照住櫻花ge射燈原來係彩色㗎，唔怪得呢度夜櫻ge顏色咁特別啦！ 被夢幻燈色櫻花樹包圍ge Tokyo Midtown 突然俾我搵到個靚位影到東京鐵塔，梗係要影啦！ 點知突然殺出一對台灣情侶見到我喺度狂影，走埋嚟一睇到個view，即刻喺咁影，阻住咗我個鏡頭，於是只好讓佢哋影完先慢慢再影！ 櫻•東京鐵塔 沿住櫻花大道繼續行，見到左手邊出現咗21_21 DESIGN SIGHT藝術博物館。 我哋喺地鐵站內見到宣傳，介紹館內正展出一個雜貨展，仲有一個用locker做ge裝置藝術品，作品主題係「蝸居」。 21_21 DESIGN SIGHT Exhibition "ZAKKA -Goods and Things-" 個展覽開正我fd嗰瓣，佢最鍾意呢類型ge展覽，所以我建議佢可以自己嚟！我唔係唔鍾意，但我成個行程已經full晒，唔會有時間嚟睇。不過最後某人掛住買嘢冇嚟到！ 有興趣ge朋友喺6月5號或之前都可以嚟睇吓，幾有趣！ 另一邊ge橋上影到ge夜櫻 身後已經係東京舊地標－東京鐵塔 我覺得商場內部ge design結合咗現代與傳統日本美學！雖然藝術ge嘢，我識條蔥咩！但真係俾到我咁ge感覺。 Midtown Tower商場 Galleria Oh! 唔講咁多！架加長版豪華禮車已經係度等緊我啦！其實遊東京可以同friend開時下日本最hit嘅Limousine加長版豪華禮車Party！想係東京搞個bachelor party 、生日party、情人節surprise、求婚，會係一個唔錯嘅選擇。 全日本最寬最長的豪華橋車會帶你體驗東京夜生活，一邊感受東京晚上繁華街道，一邊同fd盡興狂歡！專業司機沿途講解東京名勝，欣賞美麗夜景同時可以盡情使用車上設備，仲會介紹東京最新最潮的夜蒲聖地！ 全日本最寬最長的橋車 (全日本只有4輛)，車身120英寸，有32吋大電視連DVD設備 酒店接送，一小時內全東京任你遊 適合生日派對、朋友聚會、浪漫約會，可提供車輛裝飾 司機導遊更可介紹及預約六本木、銀座、渋谷、新宿歌舞伎町等等適合外國人或日本人最hit蒲點 一小時車程︰30000yen起 （價錢1 - 8人收費）價錢會根據唔同車款同時間有所不同 http://premium-limo.jp/price/
