去日本，你絕對唔可以唔食嘅軟雪糕-Cremia 嗱！係人都知日本D奶出哂名好飲，D奶製品好味到暈！由 Nissei 推出ge Cremia軟雪糕標榜使用特濃牛奶製造，口感味道自然比普通雪糕更滑更濃！此品牌仲獲得國際味覺審査機構（iTQi）選為2014年優秀味覺賞的最高等級三星級美譽！ 呢款我認為係全日本最強ge軟雪糕，係用咗特選北海道牛奶，乳脂高達12.5%(一般只有8%)，再加上用埋25%嘅heavy whipped cream，所以先可以咁有奶味、咁creamy。一入口，成個人跟埋佢一齊融化。 另外，Cremia唔單止個雪糕好味，就連個cone都超脆、超有蛋味。唔同一般ge軟雪糕用Wafer嚟做cone，Cremia係用咗langue de chats （法式貓耳朵餅）嚟做cone ，即係將白い恋人壓成cone shape，咁你話點會唔好食呢？ 好多人話喺東京好難買到，我好lucky，知道喺河口湖音樂盒之森ge呢間cafe有得食。 喺富士山下，對住個富士山無敵靚景食真係特別好味。500yen就有超豪ge感覺，真係正到暈！而且食完仲好飽添～ （ Cremia價格會因唔同ge店鋪而有所不同，我後來喺上野見到賣540yen） 如果大家想喺東京食Cremia，可以去到位於澀谷ge專門店食㗎！ 專門店叫Dolce cafe Silkream ，cafe ge裝修風格以北歐大屋作為藍本，分成3個areas ，有living room, dining room同埋陽台區。 點擊圖片放大 除咗雪糕、甜品、飲品，cafe亦有提供輕食餐點㗎！如果大家淨係想試Cremia，無論堂食定take away都冇問題！ 下次去日本，記得試下呢款可能係全日本（or全世界）最好味嘅軟雪糕Cremia啦！ Dolce cafe SILKREAM 地址： 日本〒150-0041 Tokyo, Shibuya 神南1-19-3 ハイマンテン神南ビル1F
