我同B先生由哈薩克返伊斯坦堡後, 同B爸爸住左一段時間, 我同B先生係呢段時間一直搵屋想搬出黎住, 因為要係短時間搵屋, 係個個星期內一直上網搵同搵地產經紀, 每日都要走黎走去睇屋, B先生耐性有限, 成日都話睇到悶... 伊斯坦堡係大城市, 分歐亞兩邊, 如果係成個伊斯坦堡搵屋, 雖然係會搵到好多好多間出租既屋, 但係...會行死... B先生決定住係亞洲呢邊既Ataşehir區, 第一近B爸爸, 第二係呢個區既屋全部都係屋苑形式有保安有管理處, 不過, 價錢都係一個問題, B爸爸間屋係80 sq meter, 1200TL*/ per month租金, 講緊4年前搬入到宜家, 因為佢係舊租客一路無加價.. 如果係同B爸爸同一個屋苑既屋係今年已經升價到 最少2000TL*/ per month 唔包傢私, 原因係近年黎好多人搬入呢個小區, 又有好多新屋苑發展中, 不過最後我地都搵到間屋係同B爸爸同一條街, 一個街頭一個街尾... 如果大家想住係土耳其要搵屋, 當然短住旅遊就搵酒店或者上Airbnb, 不過要注意係邊個區, 如果係長住既可以上以下兩個主要既website, Sahibinden: http://www.sahibinden.com/ Hurriyetemlak: http://www.hurriyetemlak.com/ Sahibinden唔只係搵出租屋同賣單位, 佢就好似YAHOO 拍賣或者EBAY, 咩都有, Hurriyetemlak就只有屋 提提大家, 兩個website 都提供土耳其文, 大家可以同我一樣用Google 翻釋成個網頁搵.. 幾個係租屋方面既土耳其文: Emlak=房地產 Konut=住房 Satılık=出售 Kiralık=出租 Eşyalı=傢私 Hayır= No Evet= Yes *TL里拉（Türk Lirası）為土耳其國家貨幣, TL 1 = HKD $3.0552 = USD $0.3940 Ataşehir 新屋苑之一 新居環境
