識玩，一定係跟祖妮去玩！識玩，一定知香港其實好好玩！ 黎到第二集：今次要講既係Party room，岩曬一班人去圍威喂，有地方，有野飲，有野玩，仲想點先？ 最近好hit party room, 姐係好似每人出d錢借人地間屋黎開party, 時限三個鐘左右。入面有唔同集體遊戲，好似uno、麻將、打機，不等。 今次去既係九龍灣Playspaces，我係第一次去party room, 都姐係第一次去呢間。(肺苦之言？） 一共十一人行，每人$72 玩3.5小時 18:30至22:00. 平定貴我評論唔到，話曬係人地既第一次ma~~~~ Background information Name: Playspaces Address: 宏通街寶康中心2樓209室 訂金： $300 價錢：$72@1 時間：18:30 － 22:00 Contact number: 5544-4601 Opening hour: 24 hours Face book: Playspace 重點分析： 環境 7/10 唔算好大但又唔會逼既就，好似一個客廳加一間房咁上下大，自行想像下再睇下相。都算整理乾淨，姐係起碼你唔會見到有舊成個雪球咁既塵埃係地。合格。 方便度 6.5/10 算好方便既，一出mega box行一兩分鐘都到，我地唔識路就睇Google map大神係無迷路。（係KLB MTR搭轉接車先去到MEGA BOX。） 九龍灣對好多人都方便，我地有朋友住屯門、粉嶺、九龍塘、官塘，完全都一程車直接到（如果你話點解唔係你樓下開間，所以唔方便，我都無計） 價值合理 有人會問，係屋企都有得打機打牌啦，點解要去party room先。我一開頭都係咁諗(連72蚊同車錢時間都節省左）。但玩完我又覺得，其實咁大班人真係好q嘈！有人尖叫，瘋狂爆粗，成地亂曬，等等。 我自己成日搞屋企party，都要叫d人細聲d、格離會投訴，樓下會聽到，小心唔好整到呢個櫃，食煙你入廚房，飲酒你湯自己拎膠袋，然後自己再要汁個三日三夜屋。基本上我係覺得$72唔洗煩，所以合理，就係咁簡單。 其實成班人去party room好好，大家玩完一日，(好似)關係好左，大家多左個回憶(下刪一萬字老套說話) 如果，你同我一樣屋企成日開party, 你鐘意去party，你應該都中意呢類地方。除非你一樣成日開party但住獨立屋，無鄰居無樓下住户無看間，你會中意係屋企玩多d。 同樣地，你中意去party但口頭禪係: 下，我都要比錢架咩？咁你應該唔適合party room了..... 有興趣睇下香港仲有咩地方好去： 第一集：玩盡西貢一天假期 好啦又介紹完一個好去地點，下次又去邊玩好呢？其實香港都好多野玩，好多地方可以去，下次放假就約埋班FD周圍玩，周圍食！！！！ 利申：唔係廣告黎嫁，我真係去過嫁哈哈哈！
