近排有好多同事朋友都來問我邊個牙醫好，邊度價格比較平。因為自己有去睇牙醫嘅經驗，所以寫翻篇blog分享俾有需要嘅街坊。點解一開頭我要話蛀牙要及時去睇，因為自己就係之前大牙有牙隆冇去補，導致後來牙髓神經發炎，仲要痛到頭fafa聲，普通補牙已經唔得了，要杜牙根清理壞死d牙髓先可以止到痛。其實我一開頭都係同各位咁樣，到處問人邊度好，去過多家咨詢，得到大致情況如下：第一個去問咗鏡湖，鏡湖嘅報價係杜牙根$4500 + 牙套5000，冇睇錯，總共$9500。可能係我哩隻牙的確已經好嚴重了，所以報價咁高，鏡湖醫生資質好，但普通家庭頂唔住，冇話宜家經濟咁差都放無薪假la，下一家。第二家去氹仔間診所，因為離自己屋企近就去問下，佢檢查完我嘅牙都話已經幾嚴重要及時整，否則可能會甩牙，而且佢杜隻牙只要$3500，不過由於覺得哩度小小間，儀器方面有d擔憂，就諗住再觀望下。後來又係問咗好多間診所，收費都差唔多係4-5千左右。本來諗住係本澳整了，但係有個叔伯介紹話幾年前係香港間牙科叫維港口腔植過牙，宜家係拱北都有分店，話佢地醫生背景資質都要求好高，之前體驗過同埋口碑都幾好，所以就search咗聯繫方式，book週末就過關去睇了。哩家地方好大，儀器又夠全，去到就係先影x-ray（免費），之後醫生（係碩士牙醫）睇完片，亦都係同之前澳門d醫生一樣嘅講法，不過佢推薦我一個套餐 杜牙根 + 牙套 2300人仔，平過澳門好多，但醫生資質我覺得都贏過澳門，當下就交錢開始整了。杜牙根嘅過程，大家應該都清楚，大概就係沖洗，放藥，清理，填充，戴牙套五個步驟，需要一個月時間左右，比較耐。成個療程都冇唔舒服嘅感覺，因為每次要開髓都會打麻醉，醫生手勢又夠柔，所以無驚無險就完成咗成個杜牙根。後來取牙模，等一個星期翻來戴牙套，套上去嘅時候可能要調整上下牙嘅咬合，所以有d耐，不過都算順利。歷時差唔多兩個半月嘅求醫經歷到此結束，都算好彩，因為聽講好多人杜牙根出事嘅，自己冇遇到，所以話搵一個好醫生係幾重要嘅事。
