難得來到日本京都 除咗欣賞美景 當然要同閨蜜著番次和服 影番輯相留念啦～ 今次我哋係網上做咗好多資料搜集之後 就揀咗 染匠 和服租賃店！ 由於佢非常受歡迎～ 去之前一定要預約呀！ 一定要一定要一定要！ 好重要所以要講3次~ 揀佢嘅原因係因為價錢得宜 雖然可以揀嘅款式比其他店鋪少 不過老闆娘真係好細心同埋包埋髮型設計 不用額外加錢 我哋一行三個人都揀咗和服套餐(5400日圓) 由我哋係係夏天時份去 所以另外仲有浴衣套餐(7560日圓)，著完可以拎埋件浴衣走 不過我哋因為未著過和服所以無揀浴衣 其實浴衣都好可愛 背脊嘅蝴蝶結特別大㗎！ 下次要試試～ 好開始啦！ 首先會幫你設計髮型 佢哋都好細心 一睇你個樣就知你鍾意咩款 雖然唔知點解佢係覺得我好kawaii 幫我set咗個好可愛嘅髮型^^ 而我妹妹嘅就比較智性同高貴～ 一於以往 我又係揀咗比較少人會揀嘅黑色x粉紅色x紫色 睇個陣都驚會顯老 因為我原本想著粉紅色不過唔襯我 反而我妹妹同表妹著藍色同粉紅色好好睇 同人唔同命：O 出既時候會入一間房仔 會有幾塊鏡係你前面 跟住店員就會幫你慢慢著 每個步驟都好專業同仔細 著好之後佢哋會俾埋把遮同手袋仔俾你 顏色當然係襯番架啦 著好和服之後 店舖仲會提供把日式遮 仲要教你擺pose幫你影埋相！ 非常professional xD 之後就出發啦！ 其實京都係一個古城 而清水寺無論咩地方影到好靚～ 不過我就會提議可以係有花同樹嘅地方影 更加有和風味道！ 點擊圖片放大 +3 第一次著襪著人字拖 原来行起上嚟都幾攰 天公造美 拍出來嘅照片都好好睇好有日本feel~ 如果有閨蜜係身邊當然就最好啦～ 拍出來嘅照片更加和諧！ 係小橋流水取景 別有一番風味 不過都有小小tips提提大家 著和服之前最好去咗洗手間先 因為著咗之後要去都幾麻煩 :b 另外還和服嘅時候 店舖都會送番份小禮物俾你！ 有用日本印花布料做嘅小鏡子，眼鏡盒等等 同埋著之前佢會幫你哋影返張合照再放上佢哋嘅官網 :b 地址:京都府京都市東山区 下河原通高台寺門前下河原町470 查詢電話 +81 75-531-3981 入場費(港幣) 日圓 5400 (男女同價 [含和服、飾物配件、髮型設計]) 日圓 7560 (男女同價 [含浴衣、飾物配件、髮型設計]) 開放時間 1000－1800 前往方法 路線1 - 巴士從JR京都車站乘京都市巴士206號 (清水寺行)， 於「東山安井」下車， 徒歩約5分鐘 路線2 - 巴士從阪急電車河原町站/ 京阪電車四条站， 乘搭京都市巴士207號， 於「東山安井」下車， 徒歩約5分鐘 ********************* 染匠官方網站: http://www.sensho-kitamura.jp/info/chinese.html ********************* follow me! xxx joicy FB: https://www.facebook.com/joicybaby/ IG ： https://www.instagram.com/joicybaby/ ********* 產品及有關資料由該品牌提供，以上全屬個人意見, 使用效果因人而異,如需協助或獲取更多產品資訊，可聯絡品牌查詢或尋求相關專業意見。 ********* Contact: joyceyau@hotmail.com.hk ********* BeautyExchange http://www.beautyexchange.com.hk/blog/joicy Cosmopolitan http://talk.cosmopolitan.com.hk/joicy Qooza http://blog.qooza.hk/joicy Elle http://blogs.elle.com.hk/joicybaby Theztyle http://joicy.theztyle.com UBLOG: https://blog.ulifestyle.com.hk/blogger/joicy/ She.com http://blog.she.com/joicy/
