青春留倩影 而家都會趁後生影多啲靚相 等將來老咗都可以有靚相睇翻 話說上兩個月去咗韓國首爾 妹妹講咗好幾次想影韓服 而男朋友第一次去韓國 今次旅程時間又許可 所以我哋就決定去影嚕～ 做完一大輪嘅資料搜集 最後揀咗 雲畫的韓服구르미한복 因為上instagram睇過佢哋嘅韓服影出嚟真係好靚 有種好夢幻嘅感覺（以下照片有放閃內容， 敬請留意xd） 地址都唔係太難搵到 舖頭係係一樓嘅 我哋12點幾到事前唔使預約～ 不過當然早去早享受 有多啲款揀啦～ 上到去已經有好多人係到 裝修以白色為主 而且有locker提供 等你可以暫存隨身物品同外套等等 入到去梗係揀款啦～ 我妹妹就走夢幻可愛風所以就揀咗粉紅色 我就揀咗紅色同黑色上身其實各有各好！ 如果好似我妹妹着粉紅系會比較夢幻少女啲 不過我知我著紅黑影相出嚟就會出啲有霸氣啲^^ 上下都係可以自己搭嘅 如果想簡款式比較重手工嘅就可能要加錢啦～ 有個小貼士提提大家 因為出既時候 係會着係你原本嘅衫嘅外面 所以最好係裡面唔好著太厚太深色或者太高領嘅衫 如果吾係着出嚟就唔靚架啦！(咁當然男士都一樣啦～） 個姐姐仲會好快咁幫你set埋頭同頭飾～ 仲有小手袋等你可以輕輕鬆鬆帶埋你既隨身物 而男仔嘅款式就會比女仔少四分一 因為影韓服同影結婚相一樣～ 男仔只係陪襯女仔嘅綠葉xD我就要我嘅綠葉著咗黑金色襯我:b 著咗之後 我發現韓服係高矮肥瘦都可輕易可以著得靚 因為完全係將你嘅缺點完全遮住晒！ 不過個人嚟講 如果你想著得最靚 最好就唔好戴眼鏡同埋花翻少少妝 如果吾係睇落會有點怪 ****** 着完之後就可以出發 我哋就租咗4個鐘頭（25,000won) 其實我哋都有諗過租2個鐘 不過好彩無 因為其實都會幾趕～ 著好咗之後就出發啦 行嘅時候記住小心啲 我見到有女仔係我面前跌親! 所以我會建著議大家著波鞋～ 最好著白色， 咁就咩韓服都會襯到啦！ 因為我哋未食lunch, 所以著完之後係鋪頭附近醫肚先！ 妹妹幫我哋係餐廳影咗呢張相～ 個效果出嚟又幾靚喎～ 不過食嘅時候就要格外小心 唔好整污糟件韓服：b 由舖頭行去景福宮大概需要10－15分鐘 原來着韓服係唔需要入場費架！ 就係咁樣我哋就入咗去啦 講真個感覺好得意～ 因為你會見到有好多人一齊著韓服 好有穿越感覺~ 係廣場度仲有唔少人同我哋合照 哈哈xD 證明呢套韓服真係好有吸引力！ 跟住就緊係要到幾個必影打卡位～來到當然唔少得要影湖景！ 點擊圖片放大 +2 有櫻花樹嘅襯托 影出嚟成個感覺好浪漫而且有詩意！好有拍古裝韓劇嘅感覺～ 另外係勤政殿上一層樓梯， 叫朋友係下邊影相嚟 宮殿顏色同韓服互相輝映～ 影出嚟嘅效果更有層次感! 同妹妹亦影咗唔少閨蜜相！ 以下就係價錢表，開放時間同地址： 雲畫的韓服구르미한복 網址：https://gureumihanbok.modoo.at/?link=9c1xzos0 ********************* xxx joicy IG ：https://www.instagram.com/joicybaby/ ********* 產品及有關資料由該品牌提供，以上全屬個人意見, 使用效果因人而異,如需協助或獲取更多產品資訊，可聯絡品牌查詢或尋求相關專業意見。 ********* Contact: joyceyau@hotmail.com.hk ********* BeautyExchange http://www.beautyexchange.com.hk/blog/joicyCosmopolitan http://talk.cosmopolitan.com.hk/joicyQooza http://blog.qooza.hk/joicy Elle http://blogs.elle.com.hk/joicybaby Theztyle http://joicy.theztyle.com UBLOG: https://blog.ulifestyle.com.hk/blogger/joicy/ She.com http://blog.she.com/joicy/
