今日想同大家介紹一隻 Party、Re-U 或者 Online Re-U 可以玩嘅遊戲 Among Us。 Among Us 係一隻線上多人演繹遊戲，最少四個人玩，最多可以10個人玩。遊戲背景設定太空船玩家會分成兩個陣營， 分別係 Crew同埋 Imposter 。 Crew係遊戲入面嘅好人，相反 Imposter就係遊戲入面嘅壞人。可以幫隊 Crew改個名，例如「NoteSity Crew」。而大家係唔知道大家嘅角色。就好似你開 Party 一班人食緊到會玩呢個遊戲咁，當中有人係壞人 Imposer ，但係你又唔知係邊個。 Crew需要係限時之內合力去完成任務或者捉到晒所有 Imposter去取得勝利。 Imposter需要阻止 Crew係限時之內完成任務或死淨佢地，佢可以透過殺 Crew或阻止佢地係限時之內完成任務去取得勝利。 咁為咗增加遊戲嘅互動性同埋刺激性，Imposter 係可以匿埋喺通風管度令到 Crew唔知佢係度、扮 Crew係到做任務同埋阻礙 Crew做任務嘅進度，例如 Imposter（假設係「BChui」呢個人咁 ）可以令到太空船啲燈冇咗，咁所有人淨係會見到附近嘅嘢同人或者係氧氣洩漏。如果係限時之內唔解決呢啲緊急嘅問題 Crew係會即刻輸！當然最刺激嘅地方就係做 Imposter偷偷地殺人！！！ 殺完人之後其他人係唔會即刻知道，除非玩家係附近見到案發經過或者發現死者嘅屍體。咁佢就可以撳 Report掣，跟住會進入投票環節。大家可以唇槍舌劍，討論見到啲咩，附近有邊個，邊個係 Imposter⋯⋯ 討論完結之後就會進行投票，可以投你心目中嘅 Imposter又或者選擇棄權。得票最多嘅人將會被處死，同埋公開身份！ 講到呢度大家係咪已經好想即刻同 friend玩呢個咋爾虞我詐，傷害大家感情嘅遊戲呢？ 再補充多少少遊戲嘅資訊。遊戲入面有一個緊急掣，撳咗之後可以即刻進行討論同投票環節。有一間 Admin房，可以睇到啲人係邊度，但唔會知道嗰個人係邊個。另外有一間Security房，可以睇到一啲特定地點嘅實況，見到邊個人喺度做緊啲咩。 同埋死咗之後係可以繼續行動。可以繼續進行任務，而 Imposter就可以繼續阻止好人做任務。死咗係唔可以再講嘢，直接遊戲完結！！！ 呢個遊戲要注意嘅地方就係，當進行緊任務嘅時候大家係唔可以講嘢！！！除非係喺討論環節。 希望大家鍾意我推介嘅遊戲！下次我會繼續為大家介紹好玩嘅Board game又或者多人線上遊戲！下次搞生日 Party 可以訂到會同生日蛋糕！ 搞Party訂到會還有其他可以參考一下其他到會公司喔：https://caterbeans.com/https://caterhomie.com/http://chefogo.com/
