屋企同呢度都算方便,耐唔耐就會過嚟食麵,亦因爲米芝蓮的原故,經常有人排隊。 星期日的中午真係正,唔駛排隊就入得,慳返好多時間。 傳統日式的小店,以木色為主,開放式的廚房,一進門就見到一排座位向着吧枱,大概只能容納20個客人。 點擊圖片放大 店內主打沾麵、拉麵以及油麵,簡單易明的餐牌,顧客可按自己喜好在點餐紙上選擇,店內還標榜所有食品不含味精。 每張枱上都有一瓶凍茶,不得不讚的是茶能保持凍凍的,入口亦充滿麥茶香。 沾麵可以自由選擇份量,有100g/200g/300g,三個份量價錢都是一樣,中盛的份量也不會好多,男生選擇大盛會較為適合。另外還可選擇涼麵還是熱麵,而我當然選擇涼麵啦。 點好餐後可看到店員煮麵的過程,麵條全部人手搓成。 周月沾麵 $89 平時食開重味既我今次就揀左淡湯,雖然叫淡湯,但絕對唔會冇味,而且感覺又冇咁咸,連帶湯中既配料同埋餸,食落都夠入味而不咸。麵揀左凍麵,是自家製太極麵,屬粗麵,食起嚟冇熱麵咁黏,又彈牙。 湯底感覺上有很重的油份,可看到銀白色的顆粒,是魚湯的成份,嚐一口湯底,鹹香十足,很濃厚的醬油味,沾上麵後還可吃到湯內魚的鮮味。 黑豚肉肥瘦比例勻稱。 周月沾麵有半隻溏心蛋,蛋香十足。 香辣沾麵 $89 愛吃辣的朋友揀左濃湯,果然真係幾辣。自己都只係將麵稍放湯中吃,而不敢直接飲湯。熱麵夾的時候比涼麵較黏,沾辣湯後口感稍腍。 今次選擇淡湯,更能吃出濃郁的魚香味,米芝蓮果然冇錯。 麵鮮醬油房周月 鰂魚涌海光街30號地舖 Contact Me: Email: joeylo0914@yahoo.com.hk FB: https://www.facebook.com/joeylofoodie/ IG: https://www.instagram.com/joeylofoodie/ Blogspot: http://joeylofoodie.blogspot.hk/ Ublog: https://blog.ulifestyle.com.hk/blogger/joey0914/ BE: http://www.beautyexchange.com.hk/blog/joey0914 Qooza: http://beauty.qooza.hk/u/joey0914 She: http://blog.she.com/joey0914/ Ztyle: http://www.theztyle.com/?81190 Itrial: http://itrial.hk/user/joey0914 ELLE: http://blogs.elle.com.hk/joey0914