今晚朋友話帶我食燒肉，仲話要食得特別d，原來就係呢間牛石料理。 日式既店舖，牆上掛滿日本既花畫，仲有好多日本酒，可惜店內暫未開始售賣酒類。 點擊圖片放大 +2 Menu種類琳琅滿目，有大量海鮮及肉類，而且還細分了牛肉的不同部位。 麥飯石就咁睇好似冇咩特別，其實係火山岩既一種。有好豐富的礦物質，仲可以過濾食水，的確犀利。而且用麥飯石做鐵板燒烤，可以減少"鑊撈"的形成，即係更加健康，估唔到呢個看似普通的石咁有功用。 牛石精選盛合 $388 叫左呢個牛石精選盛合用嚟試下麥飯石，牛組合有日本佐賀和牛，澳洲霜降和牛，極上牛舌，牛小排，牛肉粒，鹿兒島健康咲雞，熊本白豚西冷，熊本白豚腩。 麥飯石開爐既時候要五分鐘"熱身"，其實用法都係同一般鐵板一樣。而燒出來的牛肉的確比起一般的爐更juicy，出來的"鑊撈"亦更少。 鮮帆立貝 $58 鮮帆立貝大大粒，非常鮮味。 三文魚 $12 色水唔錯，壽司性價比之選。 鮮吞拿魚 $42 壽司上面已經有兩片深紅色的鮮吞拿魚，而且食落吞拿魚既魚味十分濃。 火炙皇帝蟹棒 $13 皇帝蟹棒炙得唔錯，其炙香十分吸引，加上蟹棒上既沙津醬，十分惹味。 加州卷 $28 加州卷都幾大件夾抵食，外圍有滿滿蟹籽，中間用料豐富。 鹽燒原隻大虎蝦 $58 虎蝦好大隻，鹽燒香味已經好突出，少許的鹽已能夠帶出虎蝦既味道，至於虎蝦肉亦爽口彈牙。 今日真係大開眼界，雖然平時都有食開鐵板燒，但麥飯石的確好新奇又健康，令客人食得安心又放心。 牛石料理 九龍城福佬村道51號地下 Contact: Email: joeylo0914@yahoo.com.hk FB: https://www.facebook.com/joeylofoodie/ IG: https://www.instagram.com/joeylofoodie/ Blogspot: http://joeylofoodie.blogspot.hk/ Ublog: https://blog.ulifestyle.com.hk/blogger/joey0914/ BE: http://www.beautyexchange.com.hk/blog/joey0914 Qooza: http://beauty.qooza.hk/u/joey0914 She: http://blog.she.com/joey0914/ Ztyle: http://www.theztyle.com/?81190 Itrial: http://itrial.hk/user/joey0914 ELLE: http://blogs.elle.com.hk/joey0914
