聖誕節放假，睡到日上三竿，出門口已經是中午。想到尖沙咀感受聖誕氣氛要先餵飽自己個肚，於是去左The One飲茶。 好久沒上來，原來已經轉成另一個集團經營。 場地佈置華麗，係呢度擺酒應該好吸引，落地玻璃外面仲可以望到海景，出去吹吹風都唔錯。 假日茶芥$15位，小吃$15，另加12%服務費。 香煎蝦米腸 $48 蝦米腸煎得好香口，豉油，甜醬，花生醬缺一不可。 黑松露鮮蝦餃皇 $48 就咁睇外觀真係冇咩特別，但入口驚喜十足。除了食到啖啖彈牙的蝦肉，還有好香的黑松露味，第一次食蝦餃有黑松露的體驗。 養生鮑魚燒賣 $58 鮑魚燒賣雖然不陌生，但之前食過都是燒賣大，鮑魚小，似鮑魚仔燒賣多d，而今次終於食到鮑魚燒賣。大大件既鮑魚，加上多肉既燒賣，感覺都幾抵食，而且味道唔錯。 愛心鮑魚糯米雞 $58 一件心形的冬菇在糯米雞上，好有心思。而打開糯米雞的中間會見到有鮑魚，這個配搭的確小見，但就令到糯米雞食起來感覺豐富得多。 一帆風順煎窩貼 $38 煎窩貼以一個帆船的設計出現，為窩貼加添一份脆口的感覺，窩貼內餡料絕不吝嗇，啖啖肉，又多汁。 趣致黑毛豬 $38 表面佢係一隻豬，亦都好可愛，但其實佢係咸水角，咁得意既造型其實真係唔捨得食，用黎影相就一流。 點心擺放精美，感覺很用心，實在是高質的飲茶。 譽宴．星海 尖沙咀彌敦道100號The ONE 18樓 Contact: Email: joeylo0914@yahoo.com.hk FB: https://www.facebook.com/joeylofoodie/ IG: https://www.instagram.com/joeylofoodie/ Blogspot: http://joeylofoodie.blogspot.hk/ Ublog: https://blog.ulifestyle.com.hk/blogger/joey0914/ BE: http://www.beautyexchange.com.hk/blog/joey0914 Qooza: http://beauty.qooza.hk/u/joey0914 She: http://blog.she.com/joey0914/ Ztyle: http://www.theztyle.com/?81190 Itrial: http://itrial.hk/user/joey0914 ELLE: http://blogs.elle.com.hk/joey0914
