秋高氣爽，漸漸地又到左唔使開冷氣嘅季節，相信好快冬天就會來臨。 適逢10月係食大閘蟹嘅季節，一大班朋友黎到天后，除咗食蟹之外，仲食埋羊腩煲，非常豐富。 今次係第二次來，book了房，比上次吃得更舒服，店內可間很多間房，亦有麻雀耍樂。今次目的係食蟹，枱上已經準備左食蟹工具。 御名一品併盤 $188 有叉燒、鴨胸、海蜇、雞髀、燻蹄 叉燒燒得入味，蜜汁好濃郁，雞髀就啖啖肉，肉質好嫩，海蜇好爽口，一碟餸有齊幾種滋味。 點擊圖片放大 大閘蟹 $48隻 因為每人都想食兩隻，所以一次過黎左好大盤蟹，場面壯觀。 呢個價錢呢個份量，認真抵食，大閘蟹內的膏很多，而且很香甜。 食完仲每人配返杯薑茶，可以驅寒氣，認真貼心 古法羊腩煲 $198 冬天必食羊腩煲，呢度嘅羊腩煲羊腩煮得夠腍身，唔會好羶，羊腩肉嘅部位好多，唔太多骨，炆得好入味，其他配料亦都吸收左羊腩煲嘅精華。 咕嚕明蝦球 $148 平時食開咕嚕肉，今次配蝦球，口感有不同，蝦頭爽口彈牙，炸粉唔厚，酸酸甜甜好開胃。 流沙帶子賽螃蟹 $98 入口充滿蛋白及蟹肉的鮮甜味，仲可食到一粒粒帶子，甜甜地而且好滑。 食完呢餐之後，新聞先話有大閘蟹有毒嘅事件，好擔心嘅我，特登打咗俾餐廳問大閘蟹嘅來源，原來大閘蟹來自三陽泰，負責人話佢哋嘅來貨係絕對無問題嘅，我即刻放心晒。 御名軒 天后電氣道22-52號金殿大廈1樓 Email: joeylo0914@yahoo.com.hk FB: https://www.facebook.com/joeylofoodie/ IG: https://www.instagram.com/joeylofoodie/ Blogspot: http://joeylofoodie.blogspot.hk/ Ublog: https://blog.ulifestyle.com.hk/blogger/joey0914/ BE: http://www.beautyexchange.com.hk/blog/joey0914 Qooza: http://beauty.qooza.hk/u/joey0914 She: http://blog.she.com/joey0914/ Ztyle: http://www.theztyle.com/?81190 Itrial: http://itrial.hk/user/joey0914 ELLE: http://blogs.elle.com.hk/joey0914
