米走雞眨吓眼已經開到第三間分店，但我仍然從未吃過，今天跟朋友來了銅鑼灣的米走雞，是米走雞的deluxe，唔知同普通版有咩分別呢？ 入面都幾多座位，而且好多卡位，每張枱都有一個電磁爐，地方好闊落，我比較早嚟到，客人唔太多，不過之後就差不多full咁滯。 Menu內的食物種類都好多，而且有和牛可以揀。 米走雞一向最出名係芝士雞煲，所以諗都唔諗就揀咗芝士雞煲。雞煲都有得揀大細，而且可以揀辣度，如果唔想食雞煲，仲可以揀普通湯底。 黃金芝士雞煲 (小) $148 一黎到，已經見到大量嘅芝士碎，同埋洋蔥，一粒粒咁舖喺雞肉上面，要等佢慢慢煮溶先，然後再連埋雞肉食。 點擊圖片放大 芝士溶咗之後，仍然份量好多，仲可以拉絲添。試吓雞肉先，件件雞都好大件，而且啖啖肉，又唔會好多碎骨，啲骨比較大件，芝士味香濃，兩個人share一個，食食吓都有啲漏，驚再食落去就食唔到其他，所以未食晒啲雞就叫侍應加湯開始打邊爐啦。 手切特級霜降和牛 (小) $288 打邊爐我必點肥牛，但呢度有得食和牛，所以叫咗碟細細碟嘅兩個人share，分量唔算好多，和牛入口牛肉味香濃，脂肪比例平均，而且肉質好鮮嫩。 西班牙黑豚肉 $188 黑豚肉紋理清晰，薄切好易煮熟，味道都幾濃，煮耐左都唔會韌，個價錢都唔平，唔怪得質素咁好。 日本廣島蠔 (六隻) $78 廣島蠔好肥美，煮一陣就食得，唔會縮到好細，而且味道鮮甜。 生菜 (半份) $18 呢度嘅蔬菜可以揀一份或者半份，啱晒兩個人黎食，又唔怕食太多食唔到其他野，生菜都幾新鮮。 粟米 (半份) $15 粟米夠晒甜。 手打五寶拼盤 $88 五寶丸有墨魚丸、豬肉丸、蝦丸、牛丸同鯪魚丸，全部都大大粒，彈牙又好食，我比較喜歡嘅係蝦丸，真係食到鮮蝦嘅香味，另外墨魚丸都整得唔錯。 稻庭烏冬 $18 又軟又滑的稻庭烏冬是我喜愛的。 打邊爐湯底都充滿芝士味，芝士雞煲真係好適合芝士控。 米走雞Deluxe 銅鑼灣渣甸街50號渣甸中心3樓全層 Email: joeylo0914@yahoo.com.hk FB: https://www.facebook.com/joeylofoodie/ IG: https://www.instagram.com/joeylofoodie/ Blogspot: http://joeylofoodie.blogspot.hk/ Ublog: https://blog.ulifestyle.com.hk/blogger/joey0914/ BE: http://www.beautyexchange.com.hk/blog/joey0914 Qooza: http://beauty.qooza.hk/u/joey0914 She: http://blog.she.com/joey0914/ Ztyle: http://www.theztyle.com/?81190 Itrial: http://itrial.hk/user/joey0914 ELLE: http://blogs.elle.com.hk/joey0914
