劉在錫代言既NeNe韓式炸雞終於開業喇，雖然我唔係佢粉絲，但佢瘋魔萬千少女，相信呢間炸雞都會好受歡迎。 就係佢開業前一日，邀請左劉在錫fans club人員去試食，見到初雪炸雞好吸引，所以開咗業兩日後我就去左食 NeNe韓式炸雞就喺朗豪坊 11/F，選擇呢個地方真係吸引好多年輕人，一黎到門口已經人群。 隻碟都有雞雞喺度。 原來除咗炸雞之外，仲有好多主食可以揀。 可以用來點炸雞，不過我都冇用過。 初雪炸雞 (無骨) $178 超好味呀，好多芝士粉而且炸粉唔厚，係我食過最好食既炸雞，食幾舊都唔會覺得好乾，因為芝士粉嘅份量配合得好好，芝士味濃郁，雞肉又夠嫩，面頭仲有薯仔同薯片都幾好味。 勁量級雞蛋卷 $148 45CM長，真係超巨型，上面有好多配料，切開中間可以見到流心芝士，入口好滑，食到濃濃嘅蛋味同芝士味。 Grapefruit Soda $68 以燈膽做杯好得意，飲完仲可以拎埋個杯走，杯上面有盞細細既燈，照住杯粉紅色飲品好吸睛。飲落去甜甜地，梳打味唔算好濃，不過都幾清新。 真心推介大家食初雪炸雞。 Email: joeylo0914@yahoo.com.hk FB: https://www.facebook.com/joeylofoodie/ IG: https://www.instagram.com/joeylofoodie/ Blogspot: http://joeylofoodie.blogspot.hk/ Ublog: https://blog.ulifestyle.com.hk/blogger/joey0914/ BE: http://www.beautyexchange.com.hk/blog/joey0914 Qooza: http://beauty.qooza.hk/u/joey0914 She: http://blog.she.com/joey0914/ Ztyle: http://www.theztyle.com/?81190 Itrial: http://itrial.hk/user/joey0914 ELLE: http://blogs.elle.com.hk/joey0914
