27-29／3 Highland tour 蘇格蘭高地團 黎左愛丁堡2個幾月 終於有機會去第二度玩下 我地join 左一個3日嘅highland tour 會去蘇格蘭唔同嘅地方玩 27/3/2015 day 1 8:30喺愛丁堡 princes street集合 所以我地好早就要出門口 呢個團一共有8個人 我地5個香港女仔 1個台灣人 同2個中國人 司機係中國東北人 兼任導遊 所以大部分時間都係講普通話 第一站 Glasgow 格拉斯哥 Glasgow係愛爾蘭最大嘅城市 首先我地黎到 George Square 參觀20分鐘 (呢個其實係廁所位 :-P ) George square People Make Glasgow~ 唔知點解有個雪糕筒喺上邊~ 行左陣就轉去 University of Glasgow 聽聞部分Harry Potter嘅校園景都喺度取景 我地參觀左大學入面嘅 Hunterian Museum 入面都有幾多野睇 連體動物 HUNTERIAN MUSEUM 康熙時期制造的世界地图 木乃伊 之後就搭左個幾鐘車黎到一個叫 Luss嘅小鎮 入面有個湖叫 Loch Lomond 風景都幾靚 我地入左間cafe 食午餐就起程去高地 對岸有雪山 Loch Lomond 可以搭船遊湖 行得好近我地 午餐: 雞湯+麵包 好得意既茶壺, 但好貴~~ 途中會見到好多羊同馬 上到山好大風大雨 影左幾張相就閃返上車lu 羊~~ 山景 跟住就搭車再行上山去睇哈利波特搭車去學校條火車橋 不過要5月先有蒸氣火車行 所以淨係睇左條橋 行返落山之後就到對面睇一個紀念碑 因為太大風所以就快行一圈就上車走人 之後就去到住宿嘅酒店 我地住喺一個叫 Fort William嘅小鎮 面向湖景 間房好細同好暗 但都算不錯 附近有得食海鮮 但我地慳錢就去超級市場買熟食 買完先知超級市場入面有間幾平嘅cafe 咁就坐低食晚飯 我地喺間cafe食喺超市買嘅燒雞 搞到係咁比個大姐話我地 sorry~ 酒店望出去既景 酒店房 晚餐~ 5鎊連一杯橙汁 食完就慢慢行返酒店休息lu~ <<Day 1完>>
