香港人對食自助餐嘅要求越來越高,已經唔係咁容易滿足。能夠個個都推薦嘅自助餐,10隻手指都數得晒,其中一間很受推薦長年爆滿嘅就係位於世貿的牛扒先生。 價格算做中等,有優惠做買四送一,為翻起就$500一位,計落10分抵食!你係唔少五星酒店都絕不遜色。對上一次食大概係一年前已經印象深刻。今次再泥其中一個原因就係要大戰佢哋嘅日本和牛。 雖然呢度唔係酒店,但係自助餐嘅食物有酒店級水準。先介紹沙律前菜,數埋都有十幾款,凍肉盤芝士盤等等應有盡有,三文魚,法式制小食等等。還有我最喜歡嘅紅菜頭沙律,以及其他特色嘅前菜小食。 成兩米長嘅冷盤海鮮部更加係10分精彩,大大隻嘅龍蝦,麵包蟹,青口,長腳蟹腳,還有新鮮海蝦等等,無限量供應。。。龍蝦及麵包蟹對係首選,龍蝦肉質鮮甜,而且仲啖啖肉。質素比好多酒店更加高級。 記得之前呢有一個位置係擺放着新鮮生蠔嘅,長期大排長龍,但係近日冇咗生蠔供應,我諗可能因為唔係季節,唔需要失望喎!雖然冇每日不同品種嘅生蠔任食,換來嘅係美味的燒海鮮,新鮮鮑魚,海蝦,蠔同蜆等等,有幾位十分之有禮貌嘅廚師為你職場準備,佢哋有禮貌到連我都覺得有啲唔好意思!大家一定要耐心等候。 千祈唔好以為任食的燒烤海鮮,質素會參差,每一件鮑魚燒10分鐘,剛剛熟,很富口感而且鮮甜。仲有手掌咁大只嘅生蠔,配上牛油或者蒜蓉醬,美味吸引。 刺身部呢都有五至六款刺身供應,仲有每一件都好精味嘅壽司,強烈推薦甜蝦同帶子。新鮮美味。 除咗燒海鮮呢條長龍之外,呢度仲有兩條勁多人排嘅隊,第一條當然就係期待己久的日本佐賀牛。有壽司同埋Sabu sabu 供應,肉味香濃油脂分布平均。 大家唔需要質疑佢係咪日本和牛,我特登影低咗個夠新鮮日未開封的牛肉,真係寫住來自日本㗎! 於另外一條隊呢就係呢度嘅燉湯同埋西湯,美味又滋潤。個人喜歡酥皮忌廉海鮮湯,酥皮做得好好味! 近排食量越嚟越細,食唔到咁多野啦!呢度長期受歡迎嘅就係可以自訂圖案及留言嘅心太軟甜品,即叫即焗流心美味。 甜品款式都十分之多,除了精美嘅蛋糕之外仲有香滑豆腐花同埋Movenpick 同Haagen-Dazs的美味Ice ~ Cream !!! 仲有比較少見嘅雪糕批! 豆腐花係我超級推薦滑不溜手。牛奶布丁以及其他甜品質素都十分之高,有啲直情係好似出邊甜品店$45件一樣,又靚又精美。 另外一個值得欣賞嘅就係連飲品都可以自助,檸檬茶咖啡奶茶果汁全部自助。整個晚餐豐富得很,四餸一埋單價格超值。除了保留受歡迎嘅食物之外更不斷創新,唔怪得開業咁多年都長期爆滿啦。 題外話呢度嘅服務生質素都好高,好多都10分有禮貌而且動作很快!幫助大家爭取最多時間食盡美食! Mr. Steak Buffet à la minute 銅鑼灣告士打道280號世貿中心6樓 6/F, World Trade Center, 280 Gloucester Road, Causeway Bay