男生約女生，吃一個晚飯，如果你是男生你會選擇食咩？根據冇系統地統計，普遍都會選擇食西餐！仲要係比較靜比較陰暗比較浪漫嘅西餐。 今次泥到你的Milano , 食一餐環境浪漫的西餐。 假如有一個男性帶你去咁浪漫嘅餐廳，你會點啲咩嘢食呢？ 首先我會叫一杯水，一嚟係比自己冷靜嘅時候飲啖水，二來拿住一個清澈嘅水杯飲水都係一種優雅。 我自己呢就習慣係餐廳只係會"Tap water is fine "奢侈的水我不捨得叫，既然對方誠意拳拳，我唔可以落對方的面，這個水應該人人都認識，smooth 又好喝。 浪漫嘅餐廳環境，配上專業嘅服務態度，就係一間優雅嘅西餐廳嘅一啲成功要素。 餐包係香草包同埋麵包條，配上橄欖油同香醋 前菜我點左香煎帶子伴青蘋果蓉，帶子煎得半熟配上美味嘅魚子醬，質感彈牙鮮嫩，只需點上小小嘅青蘋果醬，便能將美味嘅帶子鮮味提升。10分好吃！ 在餐牌上你見到牛扒魚同埋雞，你又會選擇邊一種呢？我建議如果第一次約會嘅話呢最好就揀一啲唔好有骨，斯斯文文而且比較細件嘅食物，如果唔係真係會嚇親男仔架！一度嘅牛扒超級大份，我睇到呢大概都有八安士以上，各位一眾美美的食肉獸，這一刻停一停諗一諗。不如都係叫返個三文魚比較好。 香煎三文魚伴檸檬牛油汁。煎得香脆而且份量剛好，檸檬牛油汁清清淡淡，與三文魚嘅濃厚魚鮮相映，能令到三文魚嘅味道提升。三文魚扒的魚油質感剛好，煮得剛剛好的熟永遠就是成功的秘訣。 還要讚這裏的配菜10分出色，有青紅椒黃瓜薯仔等等，全部都好新鮮而且味道很好。吃魚有一個好嘅地方就係你嘅過程能夠慢慢咀嚼，坐在對面的男生就會看著你的嘴，總比你喺度食牛扒大啖吃更加溫柔！ 至於甜品是一個很精緻的意大利芝士餅，一吃落去就知道係自家製的功夫，軟滑嘅內層十分好吃，配上淡淡的咖啡味，味道真的好不錯，而且我還欣賞這裏廚師的仔細。 假如要約心儀嘅女生食一個晚餐，不妨可以嚟到呢一度，環境清靜，自成一角，這些浪漫的景象更能令每一位男生望住對面的女孩子，引起更多的聯想！欣賞這裏的輕怡晚餐，舒適別緻的環境，希望每一位睇呢一篇食評嘅美女下一次都要注意，第一次約會不妨吃點魚。 Your Milano 地址 佐敦柯士甸道7號4樓 4/F, 7 Austin Road, Jordan 電話號碼 3974 0822 Contact me: zero_huipo@yahoo.com.hk
