第一次的美味正宗印度菜 印度式嘅小食都會經常食，因為公司附近有一間cafe 嘅一個雞肉鹹角十分好吃，基本上每一兩個星期都會食一次！ 但係正式去食印度菜呢今次又真係第一次去喎! 今次你都係亞士厘道嘅一間有米之蓮推薦的40年印度菜館GAYLORD , 上到去已經有一位超級靚嘅印度美女迎接。 呢間印度餐廳嘅環境好高級，美女侍應緊安排左我坐響每一晚七點半到九點鐘表演位置嘅最靚座位，可以近距離觀賞印度現場音樂。 餐廳會附送餐前小吃，呢個脆片配上新鮮嘅蔬菜粒食落清新可口！ 我自己咁鍾意食雞肉餡角，嚟到呢間咁正宗嘅印度餐當然唔可以唔叫啦！ 雞肉餡角(一客四件) 熱辣辣，上枱嘅時候唔會油淋淋，精細別緻，餡料味道很好，不會太濃，香料味道温和，果然正宗印度餐廳做得更加出色！配上薄荷將特別好吃！ 主菜點左精雜錦燒烤 Tandoori Mixed Grill 有大蝦，鮮魚，雞同羊等的雜錦燒，最適合我呢啲樣樣都嘗試又食唔得多嘅人！好驚喜地第一次食到印度菜嘅燒烤可以燒到肉汁都keep得到，因為平時食泰國同埋印度嘅燒烤雞都會好乾架，但係呢一個雜錦燒烤裏嘅所有肉類都濕潤，不會過乾，口感剛好！ 再次發現呢個薄荷醬果然係任何情況都百搭嘅~ 配上烤肉都好好味啊！ 另外一個主菜就點左滑汁芝士球，Malai Kofia 呢個菜個名呢有少少令人聯想錯嘅，如果呢你就咁睇你會以為係滑汁配芝士球，但其實呢應該係滑汁芝士配薯球。咁樣理解呢各位就會明好多啦！ 芝士汁香濃美味，帶點點嘅咖喱香，十分惹味出色，而薯球應該唔係單只用薯仔咁簡單，我相信應該係用咗印度米同埋鴨嘴豆配上薯蓉炸出嚟嘅球，十分之好味而且好飽肚！ 有咁多汁，又點可以唔叫翻個烤餅食埋啲咁正嘅醬汁呢！ 呢度嘅烤餅選擇十分多，講緊有十幾20種！分別包括會係麵粉嘅品種，比例，味道，同埋一啲製法都有分別嘅，有興趣嘅朋友可以問一問佢哋嘅侍應們佢哋好樂意去解答！ 所以我哋就叫左一個蒜蓉烤包，即是我哋最常見嘅印度烤餅同埋另外一個很特色嘅酥炸麵餅， Garlic Nann 蒜蓉烤包一到枱香味撲鼻，蒜蓉香味真係連隔離枱都聞得到，食落煙韌而且烤得香脆可口。很正！ 已特色嘅酥炸麵餅呢就係炸到成個大煎堆咁樣，裏便係完全空心，食落去十分之香脆而且個皮很薄！兩個都好好味道！新鮮果然係成功的主因，吃不停口！ 係我個張枱嘅位置仲可以親眼見到包餅師傅細心咁樣製作每一個唔同嘅烤包。今次呢個印度菜館美食之旅，視覺，嗅覺同味覺都能夠滿足。我再一次對印度菜改觀，從前記得印度菜只係得咖喱同埋乾爭爭嘅雞肉，現在已經完全改寫，原來印度菜有咁多特色嘅嘢食，連烤包都可以分上二十種？唔怪得一間餐廳開業40年，晚晚都十分滿啊！ 點擊圖片放大 +2 爵樂印度餐廳 (尖沙咀) 尖沙咀亞士厘道23-25號雅士利中心1樓 Contact me: zero_huipo@yahoo.com.hk
