一個想哭的女孩吃沾麵 漁場台風 旺角永遠是川流不息，充滿生氣的地方，這裡創造了很多故事和神話，我想在這裡説一個故事 故事主角係一個女孩，午餐自己一個去吃拉麵，一個人，心情灰灰的吃午餐，想自己一個哭泣一下，卻找不到借口 走到快轉角的街上，看見到這家漁場台風應該是吃拉麵的。很好啊，對住牆吃住哭，而且拉麵的蒸氣能把眼鏡都蒸矇，眼淚流住也不覺啊！ 找了個偏僻的位坐位，準備要叫碗最大最熱的拉麵時。耶！！午市只供應沾麵？耶！沾面沒有拉麵一樣的超級蒸氣，女孩不禁心裡哼住歌: 我想哭，您可不可以。。。。 既然來了，就吃吧！ 原來呢間漁場台風係日間賣沾麵，夜間係賣拉麵嘅特色店，以海產風味已魚介豬骨湯作賣點，係荃灣嘅拉麵颱風嘅姊妹店！ 沾面嘅特色就係湯冇拉麵咁熱，而湯嘅味道會較一般嘅拉麵濃，沾面嘅時候能夠吸收更多味道. 一坐下，店員似乎知道女孩腳短，斷來了一個膠盒比小女孩浪腳，很感動啊！腳踏實地的感覺，是比較矮的小女孩很希望得到的！ 再來店員捧來一個籃子，籃子中是五顏六色整齊嘅橡筋圈，方便食面所以呢餐廳會為長頭髮嘅客人送上橡筋圈！細心到一個點啊！ 選好橡膠圈要選面了！女孩選咗魚介豚骨沾麵，十分鐘左右就來餐了！ 係這十分鐘內，女孩細心看住餐廳的設計，有點懷舊又有點潮流，係懷舊和潮流中找到一個平衡，還有很多好攪笑的顧客心聲，有好多都超好笑，女孩終於笑了！ 魚介豚骨沾麵沾汁及麵條各一碗，沾汁望落去都幾濃，一上枱已經聞到好香，湯汁很暖，魚介味香濃，豬骨味亦都很重，湯底嘅配料亦都有叉燒同埋筍絲等等，叉燒切左做正方形，目的係令到肉粒更容易掛上湯汁！ 叉燒厚切好好味，原來用上脂肪較少嘅巴西妹頭豬肉混合魚乾同日本豉油慢煮，肉質非常香嫩而且入味，配上濃湯很正啊！ 至於重點嘅濃湯底，用上豬手同豬筒骨煲足30小時，豬骨湯味香濃配合餐廳精製嘅魚介湯，魚味香濃全無腥味，兩個味道都能夠平均咁發揮佢哋嘅特色！沾上面來特別惹味！ 沾面的湯就是女人，女人也要有個男人作一對，既然女人的湯如些有味道，男人也一定要夠韌度啊！沾面的面係以日本長野縣嘅麵粉每日新鮮製作，特意將麵條嘅含水量提高，令了調更富彈性及口感同事能夠沾上更多湯汁！ 女孩一試果然有料到，很彈牙，而且面條很粗有口感，掛汁一流！邊吃心情邊好了！ 可能連個天都唔想女孩流淚，無意走入一家面店找到了那麼多驚喜，由於女孩吃太慢，麵條未吃完湯已經凍了，店員細心的帶來用岩石為湯汁加熱，將高溫熱石燒至230度，當湯汁開始變涼，可以要求放入熱石湯，麵即時出現小氣泡，令湯汁嘅溫度再次回升！冷卻了的火又被升温，女孩愈食愈開心！ 女孩的淚水已經如小氣泡消失了，忘掉了未入店前的不快，忘掉了她等待那個人的煩惱，忘掉了失望失焦點的感覺。 漁場台風 Isaba Taifu 旺角快富街39號建煌華廈地舖 Contact me: zero_huipo@yahoo.com.hk
