去馬場 馬照跑野照食 半自助爽YY嘆自助餐 是日陪朋友去沙田馬場睇賽事，順道吃個久違鬼半自助午餐。 點解我話久違呢因為中午食半自助午餐真係好飽的！今次呢度呢度食的五餐飽到我當日晚上十點鐘都未食到其他野。 第一次嚟到環境舒適開陽，尤其係中間嘅酒吧為令人忍唔住要影返張相！往露台過去就會去到睇馬嘅地方，左右兩側都有投注部。 我坐嘅位置正正對住open egg station ，由三位姨姨廚師打理，可以隨自己喜歡添加材料強烈建議鍾意食芝士嘅你哋一定要加多點芝士，煎得很嫩，包咗芝士嘅暗年切開仲會有拉絲嘅感覺！分量都唔細。 半自助餐有供應三種包括翡翠螺，青口同凍蝦。 另外仲有沙律部，同凍肉部，和面包部。每個部門嘅食物品種都好多種類一款適合你啊！ 點擊圖片放大 食完半自助前菜之後呢我哋就叫主菜啦，我點了「脆香法國油鴨腿伴水煮梨及鴨肉薯蓉」 特別鍾意食油鴨腿，外皮香脆，做得好出色，唯一可惜嘅係鴨肉比較鞋口，可能係批次問題，帶點油脂的鴨肉味道其實律好，配上水煮梨同埋比較特別嘅鴨肉薯蓉，很飽很滿足！ 食飽飽當然唔少得就係到甜品時間啦，甜品望落去十分精美，選擇亦都好多，特別喜歡紅苺奶凍，奶味香濃，另外亦都提供Haagen-Dazs嘅幾款口味雪糕！ 點擊圖片放大 舒適休閑嘅時間過得特別快半自助午餐供應到三點，無論環境，食物，裝修服務等等都很優秀！一個陽光明媚的中午，就是這樣享受啊！ 喜馬當先 Hay Market 沙田馬場第二座看台二樓 contact me : zero_huipo@yahoo.com.hk
