細路女漫遊米芝蓮大廚Akrame Benalla星級食府 Atelier Vivanda Atelier Vivanda是由隔離 restaurant Akrame的法籍米芝蓮大廚Akrame Benallal由法國帶來香港，同樣係米之蓮大廚嘅餐廳佢擁有兩種完全唔同嘅風格，隔離嘅Akrame係食法式Fine Dining，而呢邊嘅Vivanda感覺就係一家輕鬆扒房。 裝修簡潔,所有嘅枱都係用實木同色，店大概只係用咗深啡同埋淺啡色做主調，簡潔舒適，俾人一種好樸素嘅感覺，近店舖嘅門口擺咗一個切肉機，客人即叫火腿店員就會即刻幫手處理啦！ 坐低之後發現每一張枱都會插着兩把刀，一問之下原來呢一把刀都大有來頭架，就係由大廚Akrame Benallal親自設計，刀形獨特而且易用！ 二另外一樣都係由大廚親自去揀選嘅當然就係佢哋嘅自家黑胡椒橄欖油 caractere , 呢一支橄欖油獨特嘅地方就係呢係由呢度嘅大廚親自去揀選法國某地方橄欖去製造，只係供大廚的店使用，唔會係其他任何地方買到！而且亦都好適合去配呢Akrame 設計嘅食物。 佢嘅味道都幾獨特，第一啖食落去覺得有啲濃烈，但係當配合麵包或風乾牛肉，芝士嘅話呢就會能夠增強本身食材嘅香味，尤其係點面，會越想食落去啊！ 呢度嘅餐牌都比較簡單，前菜，主菜，甜品同埋配菜，$448 , 價格比想像中合理好多，而且配菜係可以任食嘅，絕對係感受米之蓮大廚美食嘅好選擇。 因為同行友人飲酒嘅關係，所以我哋額外點左煙燻50日薄牛肉片(thinly sliced smoked beef matured 50 days ) 牛肉風乾五十天然後再煙燻，有味濃郁，口感結實豐滿，充滿鹹香，果然係配酒必備小吃，配上佢哋嘅自家給胡椒橄欖油又會有另外一種味道啊！不過如果鍾意食原味嘅話呢，最好就唔好點橄欖油了！ 當然唔少得嘅就係餐前嘅麵包啦！呢度嘅麵包用咗一個佢哋自家嘅麵包袋袋住十分之可愛，立即吸引左我個相機！麵包嘅溫度係暖暖地，配上自家黑椒橄欖油，一口接一口！ 仲有強烈推薦嘅黑毛豬火腿 pata negra bellota pure origins Iberian 價格超值，黑毛豬篇味道香濃，油脂分布平均，入口甘香無比！扺吃！ 仲有強烈推薦要食佢哋嘅芝士片 (old Comte ) 呢個芝士食落去有點鹹香味十足，十分濃郁。就算唔飲酒，好愛芝士嘅朋友都一定要試佢呀！ 呢個芝士如果配上左嗰個黑椒橄欖油未到就更加獨特，我覺得響前小食方面芝士配橄欖油比牛肉同火腿配橄欖油更match！ 法式鴨腿批配甜醋香蔥 duck leg terrine /vinegar /baby onions 拆肉鴨腿外面包上菜，上枱有點似切片蛋糕，鴨肉結實，淡淡的透出鴨肉嘅香味。中間嗰層包住無花果，十分之喜愛無花果伴鴨肉嘅感覺，無花果嘅清甜將鴨肉變得清爽利落，味道平衡方面做得好好！ 菠菜溫泉蛋(spinach / pine nuts/eggs) 向來菠菜加溫泉蛋同松子仁嘅配搭係冇得輸嘅，不過呢一度最令我驚喜嘅就係除咗菠菜之外佢個底亦都用菠菜造左個醬汁，十分細緻，同埋令整個前菜嘅香味大增，菠菜同溫泉蛋都係軟身，配上松子人同埋烘乾嘅法包，兩個吹同兩個軟的食材相輔相成。 番茄草莓沙律(tomatoes andstrawberries salad/ pistachio and tarragon piston / Mazda coulis) 食咗三個前菜覺得呢個比較遜色，番茄同士多啤梨都好甜，而且呢一種配搭亦都好特別，但係呢份量就真係偏細，無論係啲蕃茄定係士多啤梨都好細粒。哈哈！ 跟住呢就食主菜啦主菜我哋叫咗兩個牛同埋一個豬 黑安格斯牛腹肌。Black Angus flank 美國黑安格斯，肉味濃郁，肉質結實有口感，充滿彈性，能夠清楚睇到肉紋，牛腹肌比較少脂肪，食落去牛味比較香濃而且封煎方法，將牛嘅肉汁同埋鮮味都封左喺裏面！ Persillé Black Angus 好大塊好厚，睇落去已感受到佢嘅脂肪分布比牛腹肌多好多，好有光澤，質感比較軟，牛味無腹肌咁重，但十分之juicy ！配上少少鹽去調味更加出色！ 最後就係呢個黑毛豬肋骨 Iberian pork rib 廚師並無將一個黑毛豬煮到全熟，因為呢一個黑毛豬嘅品質好好，所以呢有少少生亦都冇問題！食落去肉質鮮嫩，而且切嘅時候已經有流汁嘅效果，肉味香濃。外脆內軟！估唔到呢個豬會咁出色，咁令人覺得驚喜！ 至於配菜呢一度嘅選擇亦都好多，包括有沙律，重點就係當然係佢哋嘅薯仔配菜！喺呢度可以一次過識到好多種唔同嘅薯仔配菜，總有一種適合自己！ Gratin Dauphinois 忌廉焗薯片，薄切薯片配上忌廉汁，香滑又有口感焗得香口，味道亦都覺得剛剛好，唔會太淡亦都唔會過濃！ Pommes Darphin 薯絲餅，結實有口感，外層香脆，中間包住小小嘅芝士令到薯絲餅更連繫實在！ 當然少得嘅就係薯蓉啦，呢度嘅薯蓉真係極力推介，用上咗佢哋自家嘅黑椒橄欖油，薯蓉超滑身，好似忌廉咁。係味道濃郁嘅忌廉感覺！正！ 當然唔少得嘅亦都有Sauteed Potatoes炸薯仔同薯波等等，實在難以全部錄盡，希望大家自己再去試一試啦！ 最後又點少得甜品呢要同大家介紹嘅就係呢度嘅焦糖燉蛋，份量好大，而且燉蛋香濃軟滑，果然係米之蓮餐廳無論前菜到甜品都真係一絲不苟！最後呢一個焦糖燉蛋係要加單！ 晚餐實在唔貴仲要我擁有米之蓮星級大廚嘅名銜，食住大廚對食物嘅熱誠，感受着佢由一個餐具，一個食材，一個配菜，一個調味都一絲不苟嘅精神。而且呢度嘅氣氛好好，無論係兩人世界，定係一大班朋友亦都可以吃住細膩美食，感受歡樂！我肯定一定會再泥！ Atelier Vivanda 灣仔船街9號地下A舖 Contact me: zero_huipo@yahoo.com.hk
