因為鰻魚飯，所以要再泥，主食d飯類真係好好味呀！掌壽司 (觀塘) 上次，撞下撞下撞左上黎觀塘工廈呢一間壽司店，實在好好食環境舒適，所以呢就特意安排同朋友嚟食生日飯。預早打電話來book枱嘅時候講低因為屬於特別日子，所以傾左個有少少特別製嘅晚餐！ 原來佢哋可以有trailer made 嘅餐供應，不過最好要早幾日通知，比佢哋多啲時間預備，揀更加正嘅嘢食供應俾大家！ 是日一行五人浩浩蕩蕩來呢度食生日飯。先叫咗個特製嘅刺身拼盤， 講明特製當然就係有特別少見嘅精心刺身啦！除了有較常見的牡丹蝦、螺, 師傅間特登為我地訂嚟咗空運到港嘅鯛魚刺身。仲有第一次食嘅水母刺身， 金目鯛和絲鯛好少可以響香港食到，而且仲咁新鮮肉質鮮甜，配上酸汁特別好味！鯛魚係特登從日本空運到港！我哋香港人成日食紅肉魚，其實呢日本人比較鍾意食白肉魚，因為佢哋嘅先甜美更加出色！至於鯛魚係其中一個日本人好鍾意用嘅食材！ 至於水母刺身，坦白講我第一次食感覺就係同平時食開嘅海蜇差唔多，冇咩味道爽爽地咁樣囉！ 另外一個出色嘅就係佢哋嘅超大牡丹蝦，入口爽甜肉質鮮嫩，啖啖肉，而且肉不會軟奶奶，keep 住爽口嘅感覺！ 另外仲叫咗個特製嘅天婦羅 呢個特製嘅天婦羅，主要就係用上蔬菜為主，而令我最驚喜嘅就係後邊嘅一片天婦羅花，竟然係用想意粉黎整嫁，香脆可口當佢小食配啤酒絕對一流，除咗呢個咁特色嘅意粉天婦羅花，仲有溫泉蛋，蝦，葱同其他蔬菜，十分豐富, 分量十足同我上次食天婦羅嘅感覺都係咁好因為佢哋嘅炸粉口到剛好，仲有上枱之前吸乾有唔會食到成口油淋淋！ 仲有叫咗個和風炸雞翼，雞全翼更加嘢未和風炸雞翼外層po上芝麻，炸得外脆內軟雞翼嘅肉汁能夠保存響裏面！唔怪得個個食完想返叫啦！ 最後仲叫咗個好驚喜嘅櫻花蝦和牛粒飯，一上枱香味四溢充滿松露嘅香味，就咁望落去完全見唔到飯響邊度，淨係見到好多和牛粒廚師果然係落足本， 而且上枱係用上鐵鍋，感覺更更暖粒粒，好似煲仔飯一樣咁正！櫻花蝦同牛肉粒嘅配搭都好正價格呢都係＄168，淨係食和牛都抵啦！不過呢個餸比較濃味，如果鍾意食清淡嘅嘢嘅朋友我建議就要食佢哋嘅皇牌鰻魚飯啊！ 呢個鰻魚飯就係其中一個吸引到我一定要再返嚟食嘅原因，今次食呢個鰻魚飯依然鰻魚厚身多汁而且上枱熱辣辣，呢個咁合理嘅價錢，食到咁高質素嘅鰻魚飯實屬正斗！飯粒飽滿，配上蘿蔔雞蛋同埋香嫩嘅鰻魚！ 一個快樂嘅晚飯就係咁樣完結由於食得太飽嘅關係今次冇食到甜品下次有機會再嚟食過啦！ 掌壽司 (觀塘) 地址 : 觀塘開源道60號駱駝漆大廈第3座5樓U室 Contact me: zero_huipo@yahoo.com.hk
