成為得奬熱店果然係有原因嘅快到你食唔切放題！ 故事嘅起源有一個朋友同我講食放題開始，其實我都有一段時間冇食個放題啦最主要嘅原因就係因為我要減肥，但係今次同朋友出嚟食飯朋友極力推薦呢間日本放題店。 旺角基本上係放題店百花盛放嘅地方，閑閑地數手指十幾廿間放題店，但點解呢一間放題點可以做到成為得奬熱點呢？ 答案係新鮮，多同埋快！ 呢間大滿喜位於食店林立嘅創興廣場８樓，全層大到不得了，枱唔單止要分枱號仲要分地區，我諗呢度數埋可能有200張枱。 上到泥揾已經到咗嘅朋友都搵左一段時間，我就會諗:咁多枱> 因間有排先等到嘢食啦>咁如果佢限時咁我未俾人搵笨？ 點知我錯啦！呢度點餐都唔送餐嘅時間係快到你唔信，擺到成枱都係！直情係"郵差叔叔送信迅速！" 第一時間當然就係叫刺身拼盤啦呢度嘅刺身選擇雖然唔算多但係全部都超級新鮮，而且擺位亦都十分之特別利用酒杯放刺身帶子，未食賣相滿分， 仲有三文魚，油甘魚，鮑魚片，雞蛋，甜蝦同埋，超級大隻嘅甜蝦等！實有一款啱你口味值得一提嘅就係全部都好新鮮，尤其係帶子，超級大赤蝦，甜蝦，直情係返叫返叫再返叫！呢個絕對係佢嘅招牌剌身！ 仲有好多品種嘅沙律包括:三文魚沙律, 蟹子沙律，另外呢我要講嘅就係佢哋嘅招牌沙律！點解我覺得佢咁特別呢就係佢嘅招牌沙律係有薯片架！脆脆地嘅感覺非常特別！ 當然少得嘅就係佢嘅卷物！短襪都幾特別架最令我印象深刻嘅就係一個三文魚同魚子卷同埋另外一個芝士漢堡扒卷！ 三文魚魚子卷，包住三文魚而上邊呢再會post相三文魚子，細心又精緻！ 另外芝士漢堡扒卷，感覺特別！芝士同漢堡扒不嬲都係perfect match架啦! 估唔到變成日式卷物都幾襯喎！ 仲有個黑松露蟹子軟殼蟹卷都係必點嘅嘢食！軟殼蟹香脆可口！ 龍蝦沙律甜蛋卷都好正呀，將平時嘅壽司卷用上嘅紫菜變咗做薄薄的甜蛋皮！配想好好味嘅龍蝦沙律！另一創意美食之作 我哋仲要左香甜粟米，用上超甜粟，所以食落去特別鮮甜，但係呢就略嫌牛油味爭小小，加多少少牛油味一定更加正！ 至於壽司嘅選擇都好多包括三文魚呀，黑松露火焰三文魚，鰻魚，帶子，辣汁玻璃蝦等等選擇。 黑松露火焰三文魚感覺超正！松露將美香濃估唔到佢配合三文魚係幾好食！ 食到呢度其實都幾欣賞呢個放題，有好多創新配搭的食物，很創新而且味道出奇配合！ 最後當然唔少得仔挨訓啲炸嘢啦我哋帶咗好好食嘅雞翼，仲有必點嘅芋心番薯波同埋一口芝士，一口芝士超鄭熱辣辣可以拉出啲芝士架，另外芋心番薯波，又係我另一個最愛，香甜煙韌，而且唔會好油膩，上枱已經索乾油份。 食飽飽當然要食甜品啦呢一度嘅三點六牛乳布甸超正！又滑又夠香濃， 另外仲會有雪糕同埋雪條無限供應，飲品選擇也出奇地多！ 無論係飲品食品定係甜品全部都無限量供應而且質素亦都有返咁上下保證，要讚嘅就係佢哋嘅侍應生服務速度好快，仲有上菜速度係估唔到咁快添啊！ 講到咁樣似乎呢一個放題都要＄400啦？點知原來我哋呢啲早吃的食客有着數。五點半到七點時段只係$218 咋，食足兩個鐘！ 咁抵食唔怪之得個個都話正啦！ 大滿喜日本料理 (旺角) 地址 : 旺角彌敦道601號創興廣場8樓 Contact me: zero_huipo@yahoo.com.hk
