先嚐靚湯，再吃靚料！打邊爐的新食感！尚鮮火鍋海鮮料理 任何天氣，打邊爐呢都經常會座無虛席嘅，尤其係而家入咗抽天氣少少涼，更加增加左我哋打邊爐嘅一團火，而且一班朋友最好莫過於都係打邊爐好就好在大家可以洽下洽下，而且又可以食到自己鍾意食嘅嘢，所以好多時聚會我都會提議去打邊爐，火鍋店開到成行成市有邊啲有特色呢？ 自己早排就去食咗一間，都幾多人推薦嘅尚鮮！尚鮮就係位於成日都大排長龍的銅鑼灣伯樂中心，可能身邊真係有好多好嘢食啦但係呢要你食飯book枱記得要早二十分鐘來排隊上電梯，因為一等就等好多個字！ 去到尚鮮感覺都幾日本嘅style , 用原木的顏色，亦都有一啲好日式嘅卡位，仲有周圍呢都貼左沖繩啤酒嘅廣告，坐落去空間感都幾夠而且很卡位就算大聲啲隔離都唔會聽到。 卡位有小電視，可以邊吃邊畫睇！不過我哋幾個搞左勁耐都轉唔到台，所以索性關左佢！小秘密，呢度嘅時迎新都幾靚仔架哈哈！講嘢都幾風趣幽默，嘻嘻！ 呢度嘅湯底選擇到幾多，另外佢哋亦都出名燉湯，好多種精心湯底呢系要飲晒個湯先至加水打邊爐嘅，多數係一啲滋補養顏或者係好正睇到會好吸引嘅湯底。 帥店員介紹了其中一個皇牌海鮮招牌鍋「尚鮮龍皇海鮮鍋」 呢個龍王海鮮鍋就，湯底上枱時，嘩一聲，橙紅色的湯底，唔講以為成個係龍蝦湯，正！好香濃的鮮味撲埋泥，海鮮用了多到個喎咁多湯，都蓋過唔到佢嘅海鮮料，係一座海鮮山係湯海裏便出現，用料十足，大大隻龍蝦、大蜆、聖子、大蝦、扇貝等，淨係食海鮮啦已經好滿足，再呷一口湯，嘩！香濃無比。先甜美味我一口氣飲咗三大碗，本來以為呢個咁正嘅龍蝦海鮮湯可能要講緊五六百蚊，點不知埋單嘅時候先發現佢只不過係＄398，足夠六個人享用！個湯底咁正，真係立即加分！ 飲淨少少呢就可以加啲豬骨湯底落去打邊爐啦！ 喺響度等緊湯滾嘅時候，又出現另外一個驚喜啦！就係呢一度嘅刺身四色，好豐富好鮮甜新鮮呀！有三文魚，帶子，赤貝同埋好大隻嘅牡丹蝦，每種都新鮮無比，尤其是係牡丹蝦同埋鮮帶子，鮮帶子鮮甜可口牡丹蝦大隻到真係啖啖肉架！ 湯底終於滾啦，食咗咁多海鮮飲左咁多靚湯，當然唔少得嘅就係叫翻個靚牛肉啦！因為同台有人大家都係牛魔王所以叫咗個首切安格斯！ 切得厚薄剛好嘅安格斯牛肉，滾一滾湯立即點上美味嘅日式胡麻汁，感覺自己食緊日式火鍋！牛肉鮮嫩唔會韌，而且牛味香濃，油脂分布亦都平均，平時手切牛肉普遍都好細碟嘅，但係呢一度嘅份量呢就好足夠！ 湯底得，牛肉得！剌身又得，立即再叫過必備嘅芝士獅子狗啦！ 芝士獅子狗裏便包住熱辣辣會爆嘅芝士食落去超級正！ 我哋仲叫咗豬膶腸粉拼盤，豬人絕對係我嘅至愛但係好多時呢因為朋友都唔寫所以我好少叫嘅但係呢呢個豬膶腸份拼盤細細地，咁就可以少食多滋味啦！呢度嘅腸粉洗得好乾淨，仲有豬、新鮮肯定係黃沙豬膶啦，熟咗之後都keep住好爽口！ 見到枱枱枱都食響鈴，實在要點返一個試吓啦！呢度響鈴即叫即炸，上枱仲熱辣辣嘅。我立即試咗一個無過湯嘅，鬆脆無比，正！過一過湯都十分正！響鈴果然係要即叫即炸嘅最好！ 仲叫咗雲吞拼香菇餃，雲吞同香菇九應該係新鮮包嘅，雲吞鮮味，蝦多足料！皮薄餡靚又夠大隻。 服務亦都好好，全程帥哥侍應都會為我地隔油，加湯，介紹食物點樣食先係最好食！服務有加！ 食得咁豐富埋單都係大概＄300一位，抵食，下一次我就一定要試好推介嘅滋補靚湯底啊！ 不過呢一度我覺得有樣嘢可能要改善一下就係呢無酒精飲品選擇唔係好夠。如果加多幾種可能會迎合更加多人嘅口味！ 尚鮮火鍋海鮮料理 Seansin Seafood Hotpot Experts 銅鑼灣耀華街3號百樂中心8樓 Contact me: zero_huipo@yahoo.com.hk
