Monsters Sushi CWB 靚裝修，靚環境，新鮮剌身，仲有好好味限定壽喜燒 幾個星期前去咗時代廣場食通天，去咗一間好靚裝修又大又舒服嘅日本料理餐廳，嗰度嘅裝修好靚好華麗而且食物質素都好高，唯獨是有啲乜嘢令到我覺得未必會再去食呢？最主要嘅原因當然就係價錢啊！因為嗰度壽司閑閑哋每件都＄50至＄70，坦白講現在嘅市道真係唔係好夠膽食得咁豪啦！ 但係人要求嘅嘢當然仔越來越高啦！如果想響銅鑼灣同朋友舒舒服服坐低食日本野，又有靚裝修靚環境靚服務嘅話呢有有咩地方可以去喎？ 就比我發現左你舞台嘅Monster sushi，其實Monster sushi應該好多人都有食過啦。尤其是朗豪坊嘅分店基本上每一日六點半已經排長龍，鍾意佢嘅原因有好多而其中一個就係佢一個好靚嘅裝修, 佢嘅餐廳普遍都會有好靚嘅view . 而今次我嚟到啱啱新開張嘅銅鑼灣利舞台分店就更加有驚喜啦。 裝修真係好靚，好有型，配合open sushi bar , 座位分隔遠，而且有啲圓嘅卡位，坐得舒服自然就食得更滿足呢！ 除咗裝修座位舒適等等嘅原因另外一個好吸引我，就係佢嘅嘢食質素係可以keep得好好而且佢嘅價錢亦都係好合理嘅！ 我哋叫咗蟹棒蟹子壽司，帶子壽司，筋子壽司，花之戀壽司 要講嘅係呢度嘅帶子壽司同花之戀壽司好新鮮，帶子爽甜大隻，我已經冇叫到珍寶帶子，但係呢單叫普通嘅帶子壽司都已經好大隻好吸引呀！ 庚子壽司就係制過嘅三文魚子，食落去有啲鹹香，質感就冇三文魚子軍艦咁彈牙同埋有甜味，鹹鹹地其實仲好食呀！ 另外我哋叫咗炙燒和牛壽司 呢個真係一定要叫我啊最主要嘅原因就係早前去過其他一間都幾高級嘅本料理食咗一件燃燒和牛壽司但係單單一件已經講緊要80幾蚊，呢一度嘅鹽燒黃牛壽司質素真係有返咁上下，但價錢就係上次食嘅一半咋！入口溶化，脂質豐滿嘅和牛片，抵食！ 仲叫咗Monster卷 同甜蝦卷(唔記得個名呀) Monster卷就係裏面包住好多好多細細粒嘅刺身粒，就算係做咁細粒嘅刺身食落去都覺得好新鮮！至於另外嘅甜蝦卷亦都做得不錯！又夠份量， 接着我哋仲叫咗一個佢哋好出名嘅玉子燒啦呢度嘅玉子先全部即叫即整上枱熱辣辣，而且呢亦都會有好多款式選擇，以我呢就揀咗甜蝦鰻魚玉子燒，果然名不虛傳，蛋味香濃配上天黑鰻魚等等更托鮮味， 最後會重點咗個有限定的壽喜燒。 價錢合理＄150，雖然呢個收起笑唔係好抵訓但係呢就好啱兩個人一齊食，上堂嘅時候仲教我地點樣去整多隻蛋，最滑最好食啦！收起笑嘅主角當然就係好好味嘅牛肉啦，雖然牛肉得三片，但真係得好大片，牛肉質素好高，好嫩滑，配上蔬菜豆腐冬菇等等嘅材料，呢個壽喜燒超扺食！ 食咗咁多嘢都只不過係＄460咋！好嘅服務，咁靚嘅裝修，仲有高質新鮮嘢食，埋單同我上次響時代廣場上邊食嘅爭左一半呀！ Monster Sushi (銅鑼灣) 地址 : 銅鑼灣波斯富街99號利舞臺廣場16樓A舖 電話 : 2111 1231 Contact me: zero_huipo@yahoo.com.hk
