環境好，食物質素好但份量如果可以大點更好 Dabyida Restaurant and Bar 兩個女仔去談心揀咗呢一間餐廳最主要嘅原因因為佢情調好好而且樓底好高呀。 因為九點幾而且係星期二嘅關係所以比較容易入坐， 我哋叫咗一個八爪魚沙律一個Pizza同埋一個海膽蟹肉意大利飯。 八爪魚沙律呢雖然沙律菜比較少，但係就有位住邊好多嘅八爪魚片。八爪魚新鮮而且厚切特別好味，可惜係沙律菜比較少一人食一啖影食晒啦。 蟹肉海膽意大利飯 佢嘅飯煮得幾好食。呢一個意大利飯，飯有啲Chiou 頭，飯粒都好飽滿，用上蕃紅花主角嘅意大利飯特別香，配上芝士蟹肉同海膽配搭好正，蟹肉嘅數目比較海膽多，因為蟹肉比較甜嘅關係所以食落去個飯更加有鮮甜味道。 可惜嘅係份量比較少share嘅話呢就真係唔夠食啦！ 至於pepperoni pizza 上枱熱辣辣，香味四溢呢一度嘅用了十足，辣肉腸夠厚身有咬口，配上豐富嘅芝士同埋有返少少厚度嘅餅底，最怕呢就係啲Pizza上面嘅醬汁太過多，食唔到材料嘅味道！但係呢一度嘅Pizza嘅好處就係呢醬汁剛好，能凸顯出佢哋用料嘅香味！價格係大概＄200左右抵食，而且份量亦都足夠！ 最後要留意呢一度係冇水嘅供應，需要買呢度支裝嘅有氣礦泉水或者礦泉水，對於我哋習慣飲水嘅美眉們就有少少唔慣呀，但係呢佢亦都會有唔同嘅happy hour promo , 啤酒買一送一等等嘅優惠！邊上飲酒仲抵個飲水添啊！ 整體來講環境同埋服務都好不錯，幽暗嘅燈光，舒適嘅座位都係吸引我哋來嘅地方，但係一樣野面比較要考慮嘅，就係呢一度嘅食物嘅份量偏細。如果要一大班人嚟食嘅話好難可以share啦！ Dabyida Restaurant and Bar 尖沙咀棉登徑5-6號舖地下 Contact me: zero_huipo@yahoo.com.hk
