倒轉了的巴黎夜景。女仕的談心食飯把酒之地。CWB MINI CLUB 好姊妹生日飯選址新開分店無耐的mini club . 之前去過旺角分店，覺得很潮，但原來銅鑼灣分店更別緻，可愛 柔和的燈光，有高枱同普通台，裝潢的重點在天花，配上反轉再反轉的迷人粉紅倒轉巴黎鐵塔，和巴黎繁榮街道的夜景，説真係，把女的燈光和環境，不能輸啊！ 還告訴大家。。這裡的服務生都是型男耶！ 先叫了枝sparking wine . 價格很扺，$520左右。sparking wine 入口比較甜，配上海鮮一定好出色。所以我就叫左個海鮮拼盤， Mini club 的海鮮拼盤Seafood Platter海鮮品種很多，配上大大個的玻璃器皿，大埋頭得很。影相一流，熟龍蝦、睡蟹、鮑魚、藍青口、翡翠和蜆 不過當日無鮑魚，廚師會按返當日有啲乜嘢，再為我地製作呢個海鮮拼盤不過可以放心嘅事就算冇咗鮑魚都一樣有咁多好嘢食，最驚喜嘅當然就係龍蝦啦龍蝦果肉好大，而且好多膏，肉咬落去但會牙爽口，正！ 至於熟睡蟹亦都係另外一個推介，真係好多膏。青口同顯都好鮮甜整個海鮮拼盤都好鮮味， 另外我仲叫咗生蠔，呢一度嘅生蠔選擇好多大概都有差唔多十幾種，未必每一種都會天天公映但係我問過試映每一日大概都至少有七，八種供應架，另外一個我覺得十分之仔細嘅地方就係呢一度嘅生蠔餐牌上面會寫得好清楚, 邊一啲會海水味比較濃，比較淡，邊一啲屬於爽身邊一啲會比較creamy . 亦都會將每一種好嘅特色仔細咁樣描述令到我哋呢啲愛吃蠔嘅人，一路食蠔可以多加學習。 我自己就喜歡爽口嘅蠔，所以當日都是叫咗塔斯曼尼的蠔同埋另外兩種法國蠔，侍應亦都會按返嚟嘅需要為你細心解答，同埋解釋。所以最後我選的四隻蠔，我都覺得好滿意，完全合乎我想要嘅心水啊。 要讚呢一度嘅音樂都幾好，而且唔會太嘈，談天亦都唔需要太大聲。 因為我朋友比較細食嘅關係食咗個海鮮拼盤其實已經飽飽地所以呢我哋就叫左一個細嘅Pizza，不過留意嘅事呢一度嘅洗Pizza係一人份量嚟嘅，大家如果係比較多人share嘅話就記得要食大size啦！如果唔係就會好似我見到隔離枱班美女，叫左個細Pizza，泥到呆左再大笑啦。呢一度嘅大細Pizza嘅價錢咪話爭好遠如果朋友比較多嘅話不妨可以叫個大。 我哋叫嘅Pizza係夏威夷，雖然Pizza洗洗但係用了十足而且芝士份量都好多好正啊！另外要欣賞嘅就係佢嘅薄餅造得香脆可口，配上菠蘿唔會覺得太膩。 最後我哋仲叫咗一個安格斯牛柳粒，一個係我一定要叫嘅嘢食最主要嘅原因就係上一次很太平都食過覺得真係好好食，牛肉粒油脂分布平均，而且份量都好多，廚師煮得剛剛好唔會泰山唔會太熟另外呢個安格斯牛柳嘅質感本身亦都係好正唔會太韌，有一種柔軟感，食落去油份溶化嘅感覺真係very good架！ 另外一提如果鍾意食花生嘅朋友，呢一個地方都你適合花生友，因為佢哋嘅小食就係花生，大家一路mook 一路傾計感覺更加爽。 大家亦都唔好介意我一而再再二三咁提，呢一度嘅侍應真係幾靚仔架。嘻！美食當前配合咁特色嘅巴黎倒轉美景再加埋靚仔當然係一絕啦！哈哈。 臨走時先發現原來五點至八點有happy Hour 所有產品有八折呀,下次要早點先得 Mini Club 銅鑼灣駱克道487-489號駱克駅1樓 Contact me: zero_huipo@yahoo.com.hk
