意粉，醬汁出色。 上個星期同舊同事一行三人去食飯，因為朋友嘅客人響個附近所以我哋就響灣仔食，所以就嚟咗呢間餐廳。 因為嗰日係星期一嘅關係大家八點幾鐘，冇訂枱都搵到位。不過原來聽我朋友講你一到星期五六日都好旺，好多時九點幾都仲係座無虛席嘅所以下次要嚟食嘅都係要訂枱無謂碰壁， 呢間餐廳分兩層，座位唔算好多，今次我哋就坐咗响上層比較清靜。 先叫咗個手作蒜茸包， 香脆可口蒜蓉味突出，但係如果可以有更加多嘅牛油味就會更加滋味。同埋好多時呢一啲蒜蓉包都係會用長法包來做嘅，但係呢一度嘅蒜蓉包就唔係用長法包整，唔會好似長髮包咁呀反而係中間有少少軟熟嘅感覺， 接着泥到嘅就係龍蝦湯 龍蝦湯香濃無比，完全感覺到廚師整呢個龍蝦湯係花咗幾多心機同材料，同罐頭龍蝦湯煮濃縮完全唔同，呢度嘅龍蝦湯滑得來，會感覺到佢嘅質感，係少見嘅出色質素，估唔到響一間如此細小嘅西餐廳都可以食到咁高質嘅龍蝦湯。 跟住我哋就叫左蟹肉牛油果沙律 蟹肉牛油果加沙律呢一樣野應該係從來無得輸，不過因為蟹肉同牛油果都係比較貴嘅食材所以唔係好多餐廳會好似呢度咁咁大份囉，蟹肉夠多而且鮮甜，牛油果亦熟透，食落去好滑身，係牛油果同蟹肉嘅周圍配上用咗少少金橘汁做嘅沙律，配上一啲細細粒嘅甘肉，清淡嘅蟹肉牛油果配香甜沙律！yummy ! 白汁煮青口 呢度嘅白汁煮青口份量都好大三個人食剛剛好，大概都有成20幾隻青口咁多，白酒同青口絕對係最親嘅配搭，清香嘅白酒汁用咗蒜蓉來增強味道，配上大大隻嘅青口，如果呢一刻有杯白酒嘅話會更加正呀！ 主食方便我哋叫咗豬肉腸番茄忌廉汁圓通粉 其實睇英文呢呢一個菜式呢係叫做pink sauce . 一問之下啊原來呢系番茄忌廉汁，蕃茄忌廉汁令到成個意粉煮出嚟真係粉紅色好靚，攞嚟溝女就真係very good喇，至於味道方面呢就唔會好似平時食番茄醬意粉咁酸，亦都唔會好似忌廉汁咁膩，係擁有忌廉汁的滑身又有酸酸甜甜感覺嘅醬汁，另外呢佢哋唔係用意粉係用上圓通份最主要嘅原因就係因為圓通份可以掛到嘅醬汁比較多，食落去就會更加感受到醬汁嘅美味，我都好鍾意呢一種圓通粉，又大個又得意食落去呢煙煙韌韌，唔會似一Pat野咁。呢個意粉值得推介。 因為三位都係大食嘅關係我哋仲叫咗帶子波椒墨汁意大利飯，你都嘅賣相已經好吸引，長長嘅別裏面裝着黑色嘅意大利飯，上邊呢就有唔同顏色嘅椒，同埋煮得剛熟嘅帶子，顏色配搭一流，食落去亦都好好味，意大利飯煮得剛好有硬度唔會太淋，墨魚汁亦都好香濃，配上半山熟嘅帶子同埋色彩繽紛嘅青黃紅椒，快速被清碟！ 最後用Apple Crumble做完結，朋友同我講過呢一度嘅Apple Crumble 同我哋平時食開嘅有啲分別佢呢係個底托買個面係有用餅碎之外，中間呢系全部都係大大粒嘅玉桂蘋果同提子，有咬口嘅玉桂蘋果配上脆脆，簡單又好味！ 臨走嘅時候再問侍應攞餐牌發現原來呢度都有情侶二人餐，又有生蠔又有主菜甜品都係二百零蚊幾抵食！ Felicita 1929 (灣仔) 地址 : 灣仔軒尼詩道44號新基大廈地下 電話 : 2529 3737
