泰園的泰brunch。環境舒適。好味又抵食 「泰園」餐廳推出新的泰式brunch ，之前已經嚟過呢度食嘢讚不絕口，今次新推出嘅泰式brunch .價錢相宜，$239加一，已經食厭左西式brunch 嘅我，上星期抽左時間特登過嚟食， 呢度嘅brunch, 唔係全自助式，主要係頭盤任食， 另跟刺身、湯，主菜、粉麵、甜品拼盤同飲品。上次同朋友嚟食晚飯每一個餸都好出色，而且呢個brunch 勁抵，冇理由唔試姐。 鍾意泰園嘅環境好舒服，樓底夠高座位夠大，近地鐵站有易揾， Brunch 是由12:00pm至3:00pm，入座後兩小時計兩小時，先叫野飲每人包一杯，我同媽咪叫咗菠蘿冰同埋龍眼冰，透心涼啊？ 任食前菜大概有八款我哋就試咗三種其中一個係柚子沙律另外一個係蒜蓉牛油雞翼最後一個就係蝦丸皮蛋， 泰式柚子蝦沙律的柚子肉清甜好味，柚子肉好多，多汁，又甜唔會苦，肯定用左靚靚泰國柚甜入心，少少魚露配蝦乾仲有大大隻彈牙大蝦球，鹹鹹甜甜正到爆，完美演繹一個泰式柚子蝦沙律。 蒜蓉牛油雞翼 牛油味唔重但係雞翼外脆內嫩，炸的夠乾身，唔會太油。正 蝦丸皮蛋都係另外一個好推薦嘅小食，蝦丸包住糖心皮蛋，蝦丸彈牙，糖心皮蛋當然係有水準啦！熱辣辣上枱超正！ 因為媽咪唔食辣嘅關係所以我冇叫到湯。 刺身四點有三文魚、帶子、生蠔及生蝦， 生蠔好肥美新鮮，係比較creamy 嘅質感，配上泰醬都好惹味，帶子刺身肉厚鮮嫩，三文魚厚切必點泰醬，泰式生蝦當然係無得輸的好食，呢度嘅生蝦大隻又夠爽同彈牙，配辣椒粒、生蒜同蘸上泰式酸辣汁，辣味提升，必吃啊！ 主菜食左泰式咖喱蝦配薄餅，一上枱已經覺得好正，好大隻大頭蝦呀， 大頭蝦已經分半，蝦肉連珠好多膏，單單呢隻下都已經有幾兩重，絕對真材實料，荷槍實彈。唔辣嘅咖喱，媽咪啱晒配上青椒紅椒洋蔥等等，如果有白飯，肯定食到成碗， 配上薄餅得好出色，薄餅熱辣辣上枱唔會太油而且好脆！ 仲叫咗個蠔仔炒米粉，蠔仔夠大隻生熟度剛好，米粉炒得鬆化，米粉本身十分柔軟幼細，佩想炒蛋簡單美味。 已經飽到要捧住個肚嘅時候竟然唔記得左有個甜品啦，甜品拼盤有千層糕、榴槤綿綿冰及芒果黑白糯米飯，呢一度嘅榴槤面面冰之前我已經同大家介紹過好食到不得了，榴槤味香濃頭冰軟綿綿，再配上少少榴槤肉絕對係榴槤愛好者嘅飛佛，喺冇榴槤嘅季節我要嚟泰園食榴槤綿綿冰系過吓癮， 至於千層糕想枱嘅時候仲暖咖，暖暖地嘅千層糕十分煙韌，清甜嘅椰汁味亦都十分之吸引 ，至於芒果黑白糯米飯，都十分之正芒果肉好甜而且生熟到剛好配上椰汁糯米飯糯米飯煙韌可口，呢個拼盤絕對用心。 總括叫左咁多野，每一個都十分之出色，如果兩個人嘅話呢主菜同埋粉面飯真係未必食至各兩份，大家唔好眼闊肚窄叫幾多食幾多，尤其係前菜嘅柚子沙律，同埋咖喱大蝦真係十分出色，二百零蚊嘅價錢食到咁豐富同埋咁高質素嘅美食，絕都係抵！有機會都要再同屋企人嚟食過 泰園 (尖沙咀) 地址 : 尖沙咀金馬倫道23-25A金馬倫廣場2樓A號舖 電話 : 3746 9966 Contact me: zero_huipo@yahoo.com.hk
