[轉載] 每次影相自拍都發現自己塊面又圓又大？除咗化妝之外，其實可以用瘦面操幫手修面，立即學以下呢4招，擁有尖面不是夢！ 瘦面操第1招：飲水運動 水係最有益又健康嘅飲品，除咗平時要少飲糖分飲品之外，仲可以靠飲水運動令面部更緊緻。 方法： 飲一啖水然後含住（大約比平時飲水大啖少少即可），利用口腔同臉頰力量，將水推出牙縫，然後再將水吸返嚟，情況就好似含住啖水重複嘟嘴同O嘴。來回計一次，可重複做60次左右。 瘦面操第2招：字母發音法 可以運用英文字母「A、E、I、O、U」嚟訓練面部肌肉。 方法： 每讀一個音，都要將面部肌肉伸展到最大，無論張開口定嘟嘴，都要肌肉感覺有伸展先叫有效。每個音停留5秒鐘，重複15次左右。 瘦面操第3招：舌頭運動 舌頭運動可以緊緻臉頰，而且令面部線條更緊實，減去令人煩惱嘅雙下巴！ 方法： 將面向上抬高，然後伸出舌頭，上、下來回伸延，記得要伸展到極限，就好似幫舌頭拉筋咁，來回做5組。 瘦面操第4招：嘟嘴 呢招大家都一定識，就係嘟嘴！可以令臉面肌肉更加結實，仲可以打造瓜子面。 方法： 用力將噙唇嘟出嚟，將兩邊臉頰完住收緊，每次停留10秒，重返做5次。
