Hotel Once Lobby Riverside - Hotel Once Check-out拜托酒店幫忙Call車去Phaya Thai～靜候期間原先話車資大概100-200bahts需時14分鐘左右，司機嚟到之後話，為避開繁忙路段可以上高速不過要加錢問Deal唔Deal，算啦有限錢輕輕鬆鬆鄧梓...結果真係10分鐘唔駛就到咗( ºΔº ) Phaya Thai - Let’s Relax大門 Phaya Thai - Let’s Relax 原先楊生問司機可唔可以直接車到去Let’s Relax門口，點知雞同鴨講完全你以為我明我當你Get到，結果仲要行李槓上膊爬樓梯，由東口爬返出西口先到。 Let’s Relax T9房間 Phaya Thai - Let’s Relax T9 Room Best of luck臨走抽到支上上簽～我位帶有紋身嘅技師原先我都怕怕哋會唔會啪斷骨，誰知一入房就好客地問你邊度嚟、玩幾多日、開唔開心、幾時上機一片衷心慰問～然後就使出佢嘅一陽指彈指神通，嘩～....你會明顯Feel到血液瞪時好澎湃地滾動全身～任督二脈打通咗～ Let’s Relax T9房間 Phaya Thai - Let’s Relax T9 Room 太舒服啦～小妹有感一直循環衝出香水雨之中～技師踩過嘅地方都渾身酥酥的麻麻的，到技師踩上小妹虎背單膝跪落，我就好比一條活魚刺身，每一格脊椎都瞭如指掌逐格逐格啪！兩小時秒過，連帶楊生鼻敏感發乞嚏亂打，小妹都無意欲睜開雙眼，成副偈就好似瀨尿蝦咁被鬆到啪啪啪聲，呢兩舊私人醒！ Let’s Relax after dessert芒果糯米飯 Phaya Thai - Let’s Relax 今次揼完有糯米飯食!?原來一小時送米餅、兩小時送糯米飯！啱啱好一口吃掉嘅糯米飯size～超好味！加埋呢口香茅蜂蜜茶，身心舒泰～ 又試搭港航delay咁黑仔...好彩一小時嘖... BTS Suvarnabhumi Airport 15:20機，嚟到先知delay到16:15，嚟到Check-in Counter一男一女扮工扮睇我哋唔到XD！直至女嘅有一下Eyes touching就揀佢啦～搞笑～姐姐瞪時面都黑埋鬧爆隔離位哥哥，但個男嘅只係咀角上揚一吓便處之泰然悠然自得～突然我有感，咁有我同楊生嘅影子點解?! Suvarnabhumi Airport - Lee Cafe Suvarnabhumi Airport - Lee Cafe 原先以為要餓住肚上飛機，都唔知好彩定不幸～有機會試吓機場Foodcourt食物嘅手勢～仲有得行吓Duty Free買返幾盒糯米飯上機～同楊生見呢間Menu睇落較地道泰菜就揀佢啦，拜托，千其千其唔好有Take TWO，係千其唔好食。 Lee Cafe - 特濃咖啡 + 椰皇 Lee Cafe - 特濃咖啡 + 椰皇 未座低點菜之前有個肥頭咠耳西裝佬，要行我哋前面入店內，仲要滋滋悠悠當正行紅地氈咁塞住條路都算，我哋好難先叫到個侍應嚟點菜，佢好意思叫個侍應埋去幫佢同朋友影相，傻的嗎?!椰皇係厚肉嘅，不過刮極唔出肉。 Lee Cafe - 河蝦冬蔭功湯 Lee Cafe - 河蝦冬蔭功湯 呢碗死蝦冬蔭功，就真係好陰功喏....啲河蝦死嘅仲要霉嘅，飲到湯嘅機會甚微，渣，全部都係渣，全部都硬渣... Lee Cafe - 蟹肉炒飯 Lee Cafe - 蟹肉炒飯 呢碟圖文不符蟹肉炒飯不過不失還可以，不過啲蟹肉好似鞋鞋地...飯又無味加咗隻蛋都無蛋香味...個湯同楊生一啖都無飲過... Lee Cafe - 泰式烤豬手 Lee Cafe - 泰式烤豬手 烤豬手，得肥膏無豬手，啖啖都要牙力齒開啲筋咁濟...肉又鞋口又老似乎煮過籠，真係超失望嘅泰菜經歷...點解可以差到一個點.... Suvarnabhumi Airport - 出境大堂 Suvarnabhumi Airport - 出境大堂 過安檢要舉手劈腿過X-Ray，唔知點解眼見其他乘客跟住幅圖都擺到個pose似模似樣，唯獨小妹過機狀況卻似模仿卡通人物變身過程，一副要甩肚皮舞似的模樣灰諧非常，自己見到都尷尬...難為安檢兩位職員都呆瞪了好一個時間。 藍色蝶豆花糯米飯同芒果糯米飯 Hong Kong - Home Sweet Home 搵咗兩邊Lobby都搵唔到斑蘭味糯米飯....最後只購入僅餘的藍色蝶豆花糯米飯同芒果糯米飯，另外明明Let’s Relax姐姐話個米餅無得賣，Duty Free眼瞇睜的多的是！小妹仲差啲整塌晒啲貨，好彩及時有個义佬幫忙頂住喳！ Monster University Hong Kong Airline - Monster University 上次到港睇得一半美女與野獸Emma Watson版，好彩當時無比錢入場，爛爆....反而今次回程睇到成套怪獸大學～正！！
