網上借圖分享，A41P途經車站 時間表顯示9:55am到達，小妹9:50am到達卻居然送車尾，縱使跑到車頭位置去司機仍然視若無睹，途人甲都停頓下來給小妹惋惜『哎呀...趕唔切啦追唔到啦』 ，而途人乙甚至幫忙伸手截停巴士，司機大哥居然都視若無睹駛走。 青年會書院 同 青年新村 其實係有分別的 眼見航班起飛時間12:15pm迫在眉睫，小妹決定急Call的士台大佬求救，我指定說青年會書院馬路前，應召司機居然給我趕到青年新村去，仲係烏溪沙嗰個....完完全全的相反方向。終於等到救命的士，之但係...阿大哥將的士停泊在快速公路嘅路中心。 隧道中間位置對出石臼位，小妹上車點 除了跨欄跳臼穿隧道，應該別無他法，但眼見時間每分鐘咁流逝，小妹只好飛簷走壁衝出去，當我急忙跳上車關門之際大罵司機點揸車㗎?!只見佢無奈的說:『其實後面一直有警車走緊直線...我搵唔切你電話你已經走上車...』 湊巧找到張完全昒合被警車堵截的處境圖片 警察瞬間已經好似拍劇一樣半身爬出車窗大喊停車並堵住去路，阿大哥已經拎定銀包準備抄牌等罰款，隨即三個警察亦馬上跳落車圍堵起來，眼見司機大哥雙手擺頭向兩邊不住道歉，小妹只好幫忙道歉自首...最後三個警察居然一分錢都無收到，承惠260元車資。 居然被要求踎低幫忙拍照的登機閘口XD 到達機場Join到楊生後，發覺登機閘口被改動至完全反方向去，才剛笑言倒不如湊熱鬧拍登機閘口照～有個爸爸上前拜托幫他們一家三口拍登機閘口照，還指定說：『你踎低影會好睇啲～』嘅要求，以尋找登機閘口下最美角度，小妹一直想測試網上流傳嘅身高比例拍照技巧真偽，按指示的貼著框邊影～但結果爸爸個肚腩還是圓渾渾de突出來～ 左起:泰式Cappuccino 右起:Vanilla Milkshake Suvarnabhumi station - Coffee World 無行程便是行程，曼谷天朗氣清陽光普照但不炎熱～到埗後馬上找來一家Coffee Shop嘗嘗本地咖啡為先～小妹只鍾情於泰國奶昔因此不作他選～順道可以安裝自香港買來的電話卡～ Phaya Thai - Let's Relex Phaya Thai - Let’s Relex 就響Phaya Thai站的express line中轉站位置，就新開了一間分店Let's Relex，舟車勞頓過後必到！Thai Massage 60min @ 600bahts，技師無趁顧客憩睡期間放軟手腳，價錢貴在信心保證吧?!臨結尾技師要求嗅她手上薄荷膏氣味醒神放鬆，小妹睡眼惺忪把整塊臉往技師掌心埋進去，技師瞪時嚇一跳鬆開手，被小妹逗笑了，真係失禮～ Phaya Thai - Let's Relex Dessert after massage Massage過後有餅食，呢塊麥餅看似其貌不揚好吃異常，更成為小妹跟楊生搶奪之物，留待返酒店嘆完Jazzuci過後自私食～一問之下接待小姐直指麥餅乃非賣品...旁邊嗰杯甜甜的香茅茶也不錯～楊生似乎挺喜歡，已分別問咗小妹兩次呢杯茶材料有啲咩?! Ramada霸王船的船期時間表 BTS Saphan Taksin - Shuttle Boat pier 似乎無論身處世界各地，都沒有準時，只有更遲！19:35接駁船班次居然20:15都未到，同樣呆等近乎45mins嘅外國遊客，終於抵不住跑去投訴，最終接待只領走一眾外國人離開，我同楊生攝手攝腳跟著跑去，原來被領到的士站去Call車，此時其中嘅鬼婆非常好心上前問我倆係咪一樣等船，續說接待員指發生咗Accident！但他們唔介意我倆搭他們便車一同離開！ Asiatique Riverside Riverside - Asiatique 最終楊生敵不過面子問題推卻了好意，認為始終非酒店住客就免了尷尬，而鬼婆都欣然接受話Maybe我倆可以更快到達，強調Maybe(冷汗..”)，然後我倆決定搭便船到Asiatique，直接吃晚飯過後才步行返酒店Check-in。 Asiatique落船位左邊嘅Happy Fish餐廳～推薦♬ Asiatique - Happy Fish 之前有網誌介紹過，而且也路經多次，今次終於都入餐廳試試～人客不算多亦沒有滿座，但四周氣氛和環境都挺好～露天而且地方企理衛生，檯與檯之間有相當距離不算狹迫，一讚 ✿ 左起:CHANG 泰國象啤 右邊:FRULI 芙力草莓啤酒 泰國特有象啤Chang所以試試，但味道似飲烏龍茶(誤?!)，似乎象啤麥味太重，而小妹杯草莓啤酒，不就是果汁啤酒的說～沒啥大驚喜只是當果汁酒飲～(๑´ڡ`๑) BBQ 燒烤拼盆 ♪ BBQ拼盤無不好吃嘅可能吧?三文魚都好香口～青口同大頭蝦更加係My Favourite (*´∀`)~ ♥ 墨魚圈反而好似較清淡? 烤羊肋骨～不過點睇都似烤羊架 明明寫烤羊肋骨逐條計，但上菜係羊架模樣?小妹真係分唔出，味道好就不打緊吧～小妹不才，留待識食之人去探究哪些部位和來源及品種之分吧，我剩係識個食未喳=p 水牛芝士蕃茄Pizza，香葉小妹唔啱... 好奇怪嘅配搭和味道，可能習慣咗食西式嗰種Pizza，所以覺得味道好奇怪，但楊生似乎好受落覺得不錯而且幾Fresh，連帶香葉都唔放過通通放入口，小妹眼見瞪時只感到滿腔苦澀味.... Hotel Once附Jazzuci房間 Riverside - Hotel Once 由Asiatique出發步行至酒店需時10分鐘左右，返到酒店都晚上10點零鐘，呢三晚所入住嘅旅館~有獨立Jazzuci房間每晚都只係港紙5xx～新開業大概兩年多貨仔喳～ Hotel Once附Jazzuci房間 Hotel Once附Jazzuci房間 Hotel Once冷氣非常猛～而且Jazzuci對上樓底超高～掛上工業燈亦非常配襯房間，布簾可以垂落更保有私隱～房間不足之處係無牙膏牙刷等提供，只附有毛巾同沐浴露，交通亦非常不便，視乎所需吧！不過我倆已經第二次入住～ 意外買到的疑似草本牙膏 意外樓下便利店胡亂購入嘅疑似草本牙膏...擠出來好似泥一樣完全放唔落口....E起棚牙都唔見得有偽亮白效果，我懷疑，其實佢係一枝煙C牙專用保護牙膏，有無人有興趣接收試用當手信?!
