Body Tune 60min Massage@450baht 琴晚仲飽到插針都唔入，今日一瞓醒拿臨就Check out趕車又趕船，臨上機前都要返老鄉Sala Daeng嘅Body Tune揼多粒鐘梳乎吓先！ 原來琴日揼骨比嗰張抽獎卷有平100Baht！我居然唔記得拎出嚟(／‵Д′)／~ ╧╧ Body Tune 60min Massage@450baht 好奇怪，今日遇著兩個技師無琴日嗰兩個咁Nice，力度仲好似時大時細，想叫佢加力返少少時又輕返，想叫佢輕手返啲時又走咗位(´･_･`)小妹都比佢按到糊裡糊塗，明明琴日嗰兩個力度最均等之餘，又吓吓命中穴位，但係，我今次先按到不知不覺瞓到熟睡（¯﹃¯）原來呢度每個技師各施自己一套按摩技巧，琴日同今日所揼嘅明顯係兩回事。 Silom Complex嘅Banana Leaf Silom Complex嘅Banana Leaf 最後一餐由於飛機時間關係馬上就近解決！據知旅遊書都有介紹過Banana Leaf，呢間真係好食嘅，而且猶幸到目前為止菜式嘅味道仲未變質，不過太多遊客所以作罷已經少咗好多去嚕，難得舊地重遊唔好客氣！一口氣點咗咁咁咁多多。(✪ω✪) 不能形容的炒菜，高手就應該炒菜都好好味令人懷念先係高手 呢碟炒菜真係不得了，不得了咁好食超好食好好食，真係好好食！佢個汁真係...嘩，我撈到滴汁不漏，明明其他菜式都已經好入味，但始終都係會不自覺將啲汁yum落其他食物到，好正！高手就應該～連炒碟菜都咁好味，會令人懷念之餘想為咗碟炒菜去多轉先叫係高手㗎嘛‹‹\(´ω` )/››‹‹\( ´)/››‹‹\( ´ω`)/›› 焗ＢＢ豬手＋泰式沙律 呢隻豬手又係，某知名德國餐廳都要用差唔多45分鐘去搞，呢度，10分鐘，已經有脆皮脆到卜卜聲好香，而且油份未有流失依然非常Juicy，最重要裡面啲肉都唔鞋，而旁邊橙色嗰份沙律(*´艸`*)兩個又係搶住食(*´艸`*) 菠蘿炒飯 菠蘿炒飯反而我一直無食過，係楊生忽然話想食所以先Order，我都係第一次食，因為我唔鍾意水果加溫嘅菜式，原來菠蘿炒飯比較淡味，仲要有好多花生，係佢先鍾意食呢啲”甩史”嘢，我食咗啖已經無食由得楊生自己包底！ 沙嗲豬肉串 嚟Bangkok點可以唔食雞豬牛沙嗲串燒，次次食都有得揀要雞定豬定牛，今次one-way剩係得豬食，仲要係隻好瘦弱嘅老豬，食落口好明顯就攤耐咗再翻燒嘅，都唔好食！早餐街求其一檔一定好食過呢度，肯定係，除非唔係。 情感的禁區芒果糯米飯，太療癒(*´д`)~ ♥ 夠鐘上機嘞！今次旅程居然無咩食過芒果糯米飯・゜・(PД`q｡)・゜・好想食芒果糯米飯・゜・(PД`q｡)・゜・剩係得Divana嗰兩啖雀粟份量，好想食・゜・(PД`q｡)・゜・次次都食唔落無得食，所以入咗禁區臨上飛機前，唔理咁多買咗先講(握拳)。 16點機，剛好踫著夕陽西下時更～ 兩大盒Hand carry上機，返到香港食完就好後悔點解當時唔買夠四盒(=´ᴥ`)。 小老板系列都係小妹嘅！其他勻歸姊妹所有～ 去曼谷專登買小老板紫菜返嚟應該得小妹一個先做得出(笑)～嗰大堆泰國MAMA麵～都係食開覺得始終最好味嗰三隻先買～而芒果乾咁多山寨貨掘起～始終都係老媽好( ･ิω･ิ)
