好新嘅2017年版，最新，超新版 原來網上google search嘅BTS Maps已經不管用，心諗2012年版本應該唔會點大更新，大不了都係多兩三個站啫，結果睇都睇到頭都大，都未搵到列車終點站各自分散響邊度！直至2017年整個BTS車站圖，原來總共已經添加咗多25個站！多25個站，係多二十五個站！ 指定機鐵站SuperRich，全線最抵！就響落電梯前 過咗海關正準備搵機場鐵路搭，臨落電梯去月台時，見到隔離寧寧舍舍有間鬼影都無隻嘅SuperRich，其他遊客們個個都轉身趕車視而不見，因為機場所有啲銀行找換店實在誇張得過份，3點96已經係最抵，原先我哋諗住去到Phaya Tai天橋SuperRich換，網上話最方便最抵，原來...好嘢已經一直響左近(羞)，有個精算(阿則)師在旁，佢計過度過比較埋香港銀行啲匯率4.41已經好抵把心一橫卜鎚玩Show Hand！我不嬲咁聽話～我跟！ 左邊:老兔卡 右邊:兔仔卡 180BAHT 連買張Rabbit Card都咁麻煩....(◞‸◟)原來機鐵站無得賣Rabbit Card之餘，亦一定要排隊買票出Phaya Tai，出到Phaya Tai，亦都無得買Rabbit Card，要出到BTS站先有得買，同埋原來而家出埋類似租用版，左邊係我張老兔卡，右邊先係而家最新嘅租用版兔仔卡，分別好似係，老兔有得全數退錢，兔仔硬嚼無得退( ºΔº ) Bangkok riverside 每次BTS出閘時都離奇發覺點解楊生次次都要用小碎步跑嘅方式衝閘～原來話BTS站嘅閘機通通都實在太光速！佢已經閘咗好多次骨盤腔打到好痛好痛好痛(*´艸`*)，所以決定用小碎步跑嘅方式～飽受一番折磨同轉車後，終於嚟到Saphan Taksin碼頭站呃免費船搭嚕～ Ramada Plaza free shuttle boat 由於住宿方面響Asiatique旁邊不足10分鐘路程～但出發去Asiatique嘅船要4PM先有頭班船～我哋嚟到先得12點左右大概，資料搜集下發現原來有架酒店船係7-24之餘，間酒店同我哋間旅館係共用同一個碼頭，兩者之間只有步行3分鐘之距！係要睇住船期等船啫，不過都最多等15分鐘左右半小時一班。 Ramada Plaza free shuttle boat 湄公河邊一直有海風吹住好舒服唔會辛苦，車費慳咗、船費都慳埋～可以揼多次骨嚕！酒店舵手水手們已經習慣啲霸王客～對酒店客自有一套方法所識別了～分別只係幫唔幫你搬行李上船～同埋有無濕毛巾同茶提供之待遇～我哋有水有紙巾唔駛咁客氣嘞(〃∀〃) Hotel Once Bangkok Hotel Once響15年年底先開幕～價錢唔貴而且裝修夠簡約俐落純白色我倆都好鍾意～今次訂呢間主因都係為咗平玩入面個內崁Jacuzzi～旁邊落地大窗台～價格都係700蚊港紙一晚左右！而家唔去，兩三年後一定被攻陷了～由於時間尚早嘅關係，我哋先行放低行李響旅館， 就出發去媽鄉Sala Daeng食Lunch！ 單線雙程，要揀方向聽廣播嚟搭 我終於見識到單線雙程火車，原來現今社會仲依然存在的！話說之前仲返緊KTP分店時，啲大媽大叔們成日跑嚟問，去羅湖方向係向左邊定右邊，我都會反思一條路軌點樣行左又行右，我實在太孤陋寡聞，少年我太年輕啦！ Silom Complex@up to you 青咖喱豬肉飯、大蝦青瓜沙律@up to you Cherry Soda & Peach soda@up to you Sala Daeng嘅Silom Complex，想當年係我同媽媽最愛蒞臨嘅食府～一出地鐵站連住嘅商場就係！商場裡面我最愛之一就係呢間Up To You～入面啲泰仔哥哥白淨又靚仔之餘，英文都無咁重泰音～最少聽到非常清楚明白佢講咩～當然，我鍾意呢間真係因為菜式味道好啦～不過班小鮮肉換晒大媽... 最佳Spa水療獎 英式庭園裝潢 英式庭園裝潢 Champagne Mango 洗手間面盆櫃檯面 今次旅程嘅重頭戲終於到～早響一個星期前我已經Send E-mail去預約呢間做Spa～英式庭園裝潢、員工非常親切殷勤、泰式渡假風Spa房～一嚐做貴婦嘅滋味～而且一檯面都係Hand Cream任用～估唔到連洗手間入面所有產品都係！呢筆錢，抵比啦～ Double Treatment Room Oriental Queen Flower Milky Bath Foot Soak & Refreshing Foot Toner} Queen of the Night Champagne Mango Growth Hormone & Collagen With Warm Rose Quartz Full Day Spa@240mins♡四粒鐘㗎～由於楊生Spa初體驗所以小妹重點揀咗最好嘅導佢，佢浸Champagne我浸玫瑰花瓣～小妹豪氣請，又桑拿又Hair Spa又Body Mask，眨吓眼已經到夜晚6點幾嚕～ Daily Meal Choice Service} Daily Meal Choice Service 做完Spa仲會提供當日Meal choice～不過已經食第二個芒果糯米飯...提子都食咗兩大揪...香茅茶同橙汁都已經2345杯...最意外嘅係仲有炒貴刁食同冬蔭功湯！酸味味辣辣哋～Yummy又Juicy開胃非常～正呀！ Asiatique Free shuttle Boat Kit Kat Fantasy 155baht Banana caramel crepe 149baht 夜嘛嘛等船都好舒服～最緊要人流又唔多～好闊落唔駛人迫人～入去行咗３分之１左右，去埋我最愛嘅Swensens食雪糕～不過可能真係飛機完搭車又搭船，前一晚10點半放工返去抖下又起飛，說好的悠閒遊唔趕唔辛苦先最重要，所以8點幾鐘已經行返旅館早點休息了。 日用品唔多齊全，但係又會提供浴帽梳同浴鹽噃 內崁Jacuzzi～落地大窗台～可以放個簾落嚟～ 用張匙卡搭LIFT用會自動偵測到你住咩樓層直接送達，除公眾地方例如酒吧、餐廳、展品樓層外，其他非指定住宿樓層為保安起見都唔比你上，係日用品唔多齊全，少有嘅無提供牙膏牙刷漱口杯剃鬚刀呢啲，但係又會提供浴帽、梳同浴鹽過你嘆噃！不過慣性咩都用私人嘅包括浴鹽在內～個Jacuzzi配上落地大窗台～可以放個簾落嚟～因為對面係民居所以純粹磨沙玻璃～更好啦～仲有超高樓底加工業設計吊燈～Enjoy ♡♡♡
