去台北特別order嘅水果餐(cathay pacific) 是日下午4點機搭錯香港快運長途機,搖成五個幾鐘,夜晚九點幾先由日本返到香港真係人都顛,意料之外反而搭香草航空舒服好多,搭咗快運只係頭半粒鐘喳,老幺的腰骨實在挺不住快痛死(╬゚д゚),落機之後拎得行李11點未到,原先想駁吓搭12點班凌晨機直入台北,但心諗廉航哪有這麼方便快捷,以免節外生枝,都係搭最早機去台北較為保障,而家反而多咗時間返屋企瞓陣都仲得! 【桃園機場捷連站】大堂 【桃園機場捷連站】月台 【桃園機場捷連站】路線圖~紫色線同藍色線好好睇清楚先好上! 返到屋企瞓咗幾粒鐘,起身執個背囊拎套更換衣物就出發!輕輕鬆鬆~到埗即刻試試啱啱新落成揚言半個鐘就可以直達台北車站嘅桃園機場捷連站!眼見人流唔多,月台排隊上車都係先得三五個人,座位同放行李位置都非常寬敞!不過要留意返,紫色線先係直達車要認清咗先好上!如果搭錯藍色線會站站停嘅普通車,耗時會相比快線係多一倍時間!我哋今次就大頭蝦上錯車耽誤咗唔少時間喏。 圖文並茂 去到西門町放低行李先,旅館價錢唔算平,而且同網上預訂時嘅參考圖片未免太大出入,房種完全係另一回事似的,大門鎖唔識自動關上,要用力推拉先可以完全關得上、房內門鎖純屬裝飾用唔鎖得、沖涼要著埋旅館所提供嘅浴室凹凸底刮腳硬膠拖鞋,否則赤腳踏出一步分分鐘頭破血流濕滑非常,一沖涼就會成個浴室地台連馬桶都濕漉漉一片,用四條毛巾都索唔盡地下啲水,去水系統非常差勁等同無,本來想要求換房,但又諗住息事寧人反正只留宿兩晚,但絕對要永久Blacklist及惡評。 重新翻新,佔地三層高嘅鴨肉扁~依然咁好食~ 兩個見肚餓拿臨響附近搵食先,咁啱就見到已經重新翻新,現在已佔地三層高嘅鴨肉扁入去試下有無變質~幸好依然咁好味~兩個初頭剩係識叫兩碗麵,鴨哥提議加四分一隻鴨好無?然後介紹鴨雜都很不錯要不要~?看起上圖份量好似非常多~但兩個慢慢食吓食吓好快就已經食晒~埋單NT$900!港紙二百多吧!抵食喇。 【茶研社】珍珠奶茶~ 嚟到台北當然要飲下地道珍珠奶茶~隨意響大街小巷搵一間都比香港好飲!粒粒珍珠都好煙韌有口感~唔係一咬就明顯食緊一粒粉團咁噎胃囉! 西門紅樓16工房~入面鋪面嘅都好靚~不過通通比較貴 話明偽青遊~梗係要逛西門紅樓~適逢星期六有跳蚤地攤真係一級棒!!可以進行有限度金錢援助(伸手)~攤攤都睇到目瞪口呆花多眼亂~啲攤主不停推銷自己嘅手作同理念~完全都唔會覺得好厭煩,唔會十足藥妝舖啲Sales咁跟出跟入甚至一臉不屑~ BY【哲飛雞】FB 有鎖匙扣、相機袋、散子包、咭片套~連個攤主都係個好可愛嘅美眉♡ 而且啲圖案通通都係攤主即場手繪畫出嚟㗎!不過點解全部都係畫動物嘅?見幾得意諗住買個青蛙樣嘅鎖匙包嚟掛公司匙啦~偶然見到有蛇樣嘅鎖匙包!~瞪時諗起啲白痴人同事(*´艸`*)~所以買咗做手信~比錢嗰陣個美眉攤主問我想鎖匙包後面寫咩名~先知原來仲會用唔同風格嘅字體手繪客人名字響手作背面~美眉攤主今次走可愛心心路線風格~好可愛啊~ 【哲飛雞】我個名嘅字體風走可愛心心路線~好可愛啊~ 【哲飛雞】蛇寶同蛙兒鎖匙扣~ 不過因為今次旅費有限~我哋呢三日嘅洗費同食用,都係用返上年嚟台北旅行時剩返嗰NT$12000,而今次嚟台北主要都係為咗去誠品入貨,今日先得第一日,所以只好忍手~暫且買住蛇寶同蛙兒鎖匙扣帶返屋企先啦~ BY【人中人株式会社】FB 行到呢一間容貌猥瑣嘅肥仔店~我差點就抓狂!選擇困難症瞪時發作~有鉛筆圍巾、鎖匙扣、斜孭袋、萬用索袋、挖鼻孔口罩。。。。。~正當我睇緊板上面有關鉛筆圍巾嘅肥仔Model相時,心諗究竟邊本雜誌會刊登個肥頭耷耳model咁有gimmick之際,突然有個肥哥哥行埋我身邊介紹鉛筆圍巾!我抬頭一睇,瞪時”噗哧”一聲笑咗出嚟~ 點解剪報入面個肥仔會走咗出嚟~原來肥哥哥係按照自己模樣將所有產品圖案畫出嚟~最終我買咗個挖鼻孔棉質斜孭索袋仲即買即用~響台北呢三日我都孭上膊添~付款期間我順帶咪邀請肥哥哥~問吓可唔可以同我合照一張囉~(羞) 【人中人株式会社】挖鼻孔棉質斜孭索袋、鎖匙吊飾 另外仲買咗兩個鎖匙扣~一個比我自用~另一個。。。。。同樣係我第一時間就諗起另一個顛婆~係又笑唔係又笑一餐而且笑點極低~笑起上嚟肯定有個Icon咁誇張(挖鼻孔應該無掛?=p)~買比佢襯到絕嘩哈哈哈哈! 哥~~我叫【伊Vet】唔係【伊Vet 他】呀XD 右邊嗰隻先係我~美中不足嘅係~肥哥哥居然睇住都寫錯我英文名最後面嗰粒字~ANY肥~都係一個寶貴回憶嚟嘅~錯有錯著~讀音都有點似我中文名~饒恕你啦~ 「講得出『我好鍾意返工』呢句說話既人,一定係鬼上身。」by 黃子華 同場加映~呢攤子嘅復古襟章~係大爺唯一看得上願意買嘅唯一一攤~左手邊打豎三個咁虛偽嘅襟章就得大爺先講得出口揀得落手、仲即時扣上袋~而我呢啲最貼地~三個都係hashtag緊我XDD歡迎對號入座吧儘管~ 仲有兩日時間跑書局~忍手買~始終都係入咗四本~ 終於都到入貨時刻~今日先去京站分館打書釘~大家揀啱準備比錢時,職員斷章取義咁話買滿幾錢有會員卡~打後買書都有8折~咁緊係拿臨揀多本平少少嘅就申請啦!買完聽日可以8折買新書噃!!點知比完錢時職員向我哋講解吓張折扣咭點用,原來係指定咗下個月某幾日方可使用,仲要唔通用響新書度,車!啱啱個職員馬上同我出嚟! 素食臭豆腐~ 素食臭豆腐~還可以吧~ 響誠品打完兩粒鐘書釘,轉眼間已經到咗夜晚~返完旅館卸貨拿臨出去搵食~剛好就踫上呢車臭豆腐又真係幾香又幾臭~仲係素食添~不過我都係心理作用自覺食完就會周身臭,所以咬咗啖已經無食。但係唔錯嘅都~ 如果顧客係小鮮肉,佢會特別賣力獻媚嘅哥哥~ 試吓唔揀起司今次揀菜甫味~結果。。。又糊又濕無味。。。 食完臭豆腐無耐,偶遇賣蔥抓餅嘅車仔歡天喜地,但眼前呢個有點兒忸怩而且聲線柔柔哋嘅男士(?),同緊一對情侶打情罵俏拍心口,但佢對象係女仕身邊位壯男囉(誤),而且一直站著丁字腳(夾著),我行埋去想落單,佢聽都聽唔入,眼尾都唔想望一眼,靈機一觸推大爺出去試試水溫(●` 艸 ´)~但完全都唔係阿丁哥嘅菜~唔緊要啦買到蔥抓餅食就好嘞(´;ω;`)ヾ(・∀・`)不過都幾難食吓。。。。 繼光香香雞~反而魷魚好味過啲雞好多噃 清心福全珍珠奶茶~ 差唔多到夜晚11點~就買埋繼光香香雞同珍珠奶茶返旅館食住宵夜睇【二分之一強】~仲有梁赫群份做主持更加吸引~每集都搵齊晒各國代表嘅藝人嘉賓講啲文化差異超搞笑~兩個都笑到肚痛~以後又可以多套台灣綜藝節目追啦XDD推! 【二分之一強】截圖~今集教英文口頭禪~~