呢幅叫路線圖。。 第一日已經好事多磨,凌晨機飛到成田剛好7點多,由於兩個都係第一次去日本自由行,所以以防萬一都照買定張上網卡旁身,諗住兩個臭皮匠實勁過諸葛亮啦~出發前就連資料同書都無刨過,反正路在人口就係我倆嘅旅行作風,去唔到咪唔去,點知張上網卡都舞咗我哋粒幾鐘。。。然後出到地面心諗周圍有圖又有人唔駛怕啦,結果兩個盲毛目不識丁,唔睇車亦唔睇人, 落咗機又搵唔到車站,搵到車站又唔識買飛, 買到飛喏,又唔知邊個月台上,千辛萬苦終於爬到去新宿站西口巴士站啦噃, 點知巴士站原來搬咗去新宿站南口, 到咗票務處,售票哥哥查一查電腦之後, 居然超冷漠無情咁掛上 <Sold Out>字牌。 原定的12:45已經全滿。。。 售票哥哥建議我哋搭JR,咁當然搵人手買票最簡單快捷,咁每人比咗兩張車票我地啦,奇怪事情就發生,我遇上一部古惑閘機。。。。一部不停向我施杖刑嘅長閘機, 話說我肯定餵啱咗張去<大月>嘅車票入機仲打埋窿,個閘機兩度閘門明明開咗暢通無阻,我入咗第一度閘,無事,準備行出第二度閘時,道閘門兩邊齊齊瞄準我膝頭哥兜腳掰埋嚟(opps....Orz跪),我退後佢又開返,我行前佢又掰多我幾杖,我就緊係即刻推我後面嗰個出嚟థ౪థ————>暢通無阻__ “行啦仲唔行!玩咩呀(╬゚д゚)” ε=ε=ヾ(;゚д゚)/咦?!!係!!!(opps....Orz) 新宿往河口湖JR票,唔靠人手真係唔識買。 最終我餵埋另一張閘飛比佢揀嘞索性。。。先Pass到呢個古惑的閘,而最終要折騰至下午3點多,先找到目的地溫泉旅館報到。 富士急行線,終於令人心安嘅電車設施 第3機場>第2機場>ACCESS特急> 青砥>日暮里>新宿 >JR中央線>大月>富士急行線>河口湖站>觀光巴士Red Line, 上咗呢條富士急行線見到終點在望,真係呼咗一口巨氣。。。正當我享受緊呢個鐵道旅遊之際,發覺原來呢區啲鄉民特別係啲女學生呢,營養真係特別好!個個都好似雪撬犬一樣咁大隻,另外,一張四人櫈又好、六人椅也罷,明明仲有好多位置好疏落,只要適時有女學生咁啱坐咗張櫈任何一邊,嗰排櫈都無人行埋去座,就算坐最多都只係坐一個,唔比人哋唔坐架?!咁當然得,只係覺得乘客們就算兩手拎滿晒嘢,攰都寧願選擇企喺度挨住人哋座位後面企,都唔會坐所以覺得好好奇~以後嚟富士山,如果想座得舒適嘅,緊記要搵個學生妹隔離座(筆錄下來) 河口湖站裡面嘅牌匾 秀峰閣湖月**** 終於到達目的地車站——河口湖*第一時間緊係搵溫泉旅館接!咁啱有溫泉旅館車剛巧駛到接載乘客,但候車站上面居然企滿晒一車幾匧強國大媽嚇咗一大跳!好彩今次訂嘅客房有私人溫泉,如果要共用嘅話千叮萬囑真係千其唔好駁,因為浸浸吓溫泉隨時會有大媽響毛巾入面突然抽部相機或者手機出嚟拍你風景裸照。இдஇ咁由於時間嘅關係,我倆響未有預約嘅情況下到咗,司機猶豫咗一陣叫我哋<屈蛇>座走廊通道摺櫈,難得的旅行寶貴經驗我們就答應了XDDD 富士山迷霧之美 到咗溫泉旅館秀峰閣,職員接待整班大媽完畢之後,我哋被安排到Lobby那邊喝杯提子汁及跑到石灘去賞山遠眺富士山迷霧之美=],靜待員工親自來招呼服侍,因為呢兩日一直都係由呢位員工事無大小都要OnCall我們,辛苦了~ 露天浴池付(溫泉)客房 露天浴池付(溫泉)客房 露天浴池付(溫泉)客房 露天浴池付(溫泉)客房 露天浴池付(溫泉)客房 網上訂房網、甚至呢間溫泉旅館嘅專網,裡面所顯示嘅介紹嘅照片通通都唔駛打折~溫泉後面張按摩椅就更加無得彈全身按勻晒!而眼前180度無敵富士山景河口湖景一覽無遺~24小時足浴及私人溫泉任意享用浸泡~可以邊浸邊欣賞富士山晝夜美景變化實在不枉此行~一諗到如果可以加埋杯冰凍嘅梅酒響溫泉邊小呷一口就真係。。。 還是靜靜地,睇住雪山躺著瞓最囂士!串到呢 轉眼間已經5點多,由琴晚放工緊接住就去機場,再一番奔波勞碌折騰兼動腦,先嚟到河口湖呢度已經非常疲憊不堪,所以大爺選擇浸完溫泉瞓~我就選擇浸完按摩吓鬆吓又食吓~睇見大爺咁快就已經瞓到咁眠,不自覺就想騷擾吓,趁佢瞓咗瞪時圍住佢四方八面景色嚓嚓嚓~不停攝鏡影影影!先發覺呢間房無論你身處邊個角落瞓住、座住、踎住定食住~都可以欣賞到富士山嘅全貌~ 富士山的黃昏美~ 六點半準時入席招待~ 久仰大名嘅河豚刺身~終於有幸食到~ 6點半專人Call起身食晚飯~原來今晚有河豚鍋+河豚刺身非常意料之外~咁大個女都未食過咁危險嘅雞泡魚~就算師父刀功幾好,日本每年始終都仲係有三五七個係食河豚中毒死,講返餐飯~個餐前梅酒好飲到!!職員話係旅館獨有自家製非賣品,咁又奇怪,明明有得做都唔做,可能想吸引更多住客好奇入住啦,而用來盛載梅酒嘅器具~仲係用好可愛嘅兔BB嚟浸酒~很想要~但一看原來價值120元,抱歉我要小氣了。。。唔講咁多~~いただきます~ ٩(๛ ˘ ³˘)۶ 呢個係足浴~ 飲飽食醉休息完又浸過~雖然入夜後外面溫度已經過山車咁跌到負二度,但當睇住頭頂漫天星星~凍冰冰跳落水然後浸到熱呼呼滑嘟嘟咁出返水跑去瞓~係何等嚮往嘅一大樂事~不過如果啲水可以再熱啲嘅效果就更好嘞 ♫兩小口靜靜浸住足浴賞月睇星談吓心 ♥