ホテル郡上八幡 平成28年11月14日 月曜日 終於到咗Last Day嘞....旅程Hea得嚟尚算充實! 至少想睇想買想食嘅都做齊晒~ 係除咗真係好眼瞓完全唔夠充足睡眠....太疲累嘞... Rinku Premium Outlets 左上起白桃汁、凍奶茶、乳酸(最正)、熱奶茶~ ホテル郡上八幡 > Rinku Premium Outlets 今日唯一嘅行程就只有濕平，裡面有過百間名店， 可是名店似乎普遍對港人嚟說沒啥吸引吧?! 否則怎麼會所有團友都選擇跟Paul去逛超市， 都唔選擇Dismiss呢?!無奈個超市都真係實在太...屋村? 完全得蔬果零食杯麵等等，仲要City Super/Taste都見慣見熟， 最大型咪又係藥妝店，不過小妹真係執藥執到驚...收手啦! 撳機買嘢飲過吓手癮就夠~~~ proteca ACE行李箱 反而阿主人買咗個made in japan嘅行李箱~ 隻色我哋都好鍾意~可惜原價折實咗都仲要兩千幾銀， 本來想唔買，Paul話折實應該都只係千零蚊倒喳嘛， 似乎係made in china同japan嘅分別， 左思右想最終都係買咗，主人雖然好肉赤， 不過我倆有排用嘅^^而且銀灰色都好襯主人啊~~~ 松阪牛西冷、神戶牛柳 Rinku Premium Outlets > バイキング左近 本店 終於入正題~~~加錢加料嘅重頭戲嚟嘞~~ 我哋訂咗松阪牛西冷、神戶牛柳、喜之次魚。 呢兩塊靚牛由大姊親自操刀~唔熟都照食! 油花只溶喺口、唔溶喺手~肉質鮮嫩~~嘩~~~ 喜之次魚 吸收過上次燒魚失敗嘅經驗，把名貴食材白白浪費， 今次Paul親自把關幫一眾團友燒~~好味呀~~~ 我哋連骨都舐埋半點魚油都不放過~~ 有點意料之外的，我舐舐吓唔覺意啜錯咗魚眼... 瞪時反胃嘔心起嚟....口感非常之咁可怕黏黏稠稠... 面色一沉吃不下其他放題食物......../.\ 有吹波糖味、奶茶味、豆腐味、巨峰味等等等等...... 唯獨呢廿款唔同味雪糕雪芭終於治癒了我~ 所有味香港少之有少~~ 味道都非常好味~~~ 可惜我未咳好....呢兩碗已經被放寬食.... 多半碗都唔比啊...... 所以每一啖我都當做最後一啖咁， 非常珍惜用心去品嘗...... 日本熱搶有treatment效果嘅風筒噃~~ 而小妹唯一響日本買最貴嘅，係呢個骨膠原風筒~ 價錢拍得住下午買嘅行李"GAP"~~~ 而且主人極力向小妹推薦同事讚非買不可! 我就最聽話對不對=p
