名古屋城日貌 平成28年11月11日 金曜日 一起身第一時間拉開窗廉, 順便環保啲用日光嚟叫醒隔離床位~今朝個名古屋城就正常得多~ 7點鐘Morning Call後就落大堂開飯! 早餐第2日安排係食自助餐! 人人話食納豆可以延年益壽, 我梗係唔放過呢個大好機會~ 即刻拆一盒嚟食! 加入醬油或日式芥末,攪拌至絲狀物出現,置於白飯上食用 原來同納豆撈埋一齊食嘅物料好奇怪.... 係一包黃芥末....同一大包好似係醬油....嘅嘢。 唔理三七廿一,兩包都加齊晒落去撈勻去先算 ...... .......... 嗅著濃烈的發酵味道, 小妹仍然非常優雅地、靜靜地呷咗兩口, 嗯,其實知足常樂就得,唔一定要長壽嘅, 短壽都可以有豐盛人生,係咪先! 小妹依然面不改容,從容優雅的面對一切, 想想呢個解決辦法,杯納豆點收科? 然而呢個時候我對座位主人似乎對納豆好好奇?! 好吧,請你食吧=] 公路旁的休息站 休息站裡面嘅小涼亭 The Westin Nagoya Castle > 公路旁休息站 響出發嘅途中,因為車程略遠嘅關係, 導遊放低咗我哋響路邊休息站解解手抖抖氣,呢個時候往兩旁一看, 居然已經見到開始逐漸變色嘅漫山紅葉~ 呢個涼亭仔仲過份! 居然唯獨佢自己一棵紅葉一枝獨秀, 仲要正正係漸變色,由黃漸變緋紅色當中, 謀殺咗一眾團友無數菲林!! 北陸富山縣 高岡山瑞龍寺 公路旁休息站 > 高岡山瑞龍寺 今日嘅行程臨時作出更改,原定白川鄉探紅葉之旅, 突然被導遊臨時改咗去北陸富山縣既高岡山瑞龍寺, 可能導遊Paul潺有講點解嘅,不過小妹渴睡不已, 一上車就瞓、一上車就瞓, 到我打開眼嘅時候,已經到咗瑞龍寺入口喏! Paul企喺瑞龍寺門口講解吓幅圖, 指寺廟係各自代表人體嘅咩部位同寺廟嘅由來, 然後人人都要通過方丈嘅 山門(羞), 先可以入廟參拜(醜) 詳情請參閱上圖右手邊~我還是一直默默監守著方丈嘅山門就可以(掩目) 富山灣海鮮御膳 高岡山瑞龍寺 > 都万麻 (つまま) 又食飯, 唔知點解個團好似不停食飯,又食飯, 今次食海鮮御膳,但係個海鮮定義, 都只係一兩塊刺身同天婦羅,多舊魚! 不得不讚個甜品雞蛋布丁好好味~ 有加入雲呢拿籽,好香♡ 富山縣賞楓名所 : 高崗古城公園 ホテルニューオータニ高岡 > 高崗古城公園 高崗古城公園係高崗城嘅遺址, 道聽途說同樣係富山縣有名賞楓名所, 果然都無令一眾人失望~ 導遊Paul再次響門口講解下, 公園最佳拍照地點就Dismiss咗! 係我哋四個自動Dismiss咗離咗隊, 名符其實嘅真係邊行邊影相,影唔盡XDDDD 四人合體影到去朝陽橋時, 大姊突然要求離隊並將媽媽交托比我倆小口照顧, 高崗古城公園位置圖 轉個頭甩繩馬騮失縱咗,直至集合時間到咗, 我哋三個都差啲迷失咗古城公園! 我堅持話走回頭路照返原路返去, 總好過響呢個時候去發掘其他道路嘅可行性囉! 點知阿主人啲包呦頸死唔信無路可逃嘅性格作祟, 係都要堅持繼續向前行,結果愈行愈遍僻離晒巷, 唔理啦我決定帶住媽媽返轉頭, 至少我一向對陌生地方嘅認路雷達非常之咁敏感, 行過一次就記得,未久終於返到集合地點旅遊巴位置, 阿主人都仲依然不停堅持,只係兜遠路嘅分別, 之後連大姊都真係失縱咗!媽媽嚇到, 安撫咗媽媽上車之後,我就拜托Paul搵返大姊返嚟, 我倆小口一直企響門口食風等住大姊歸隊, 無幾耐Paul夾埋大姊同幾個團友終於一齊返嚟囉, 原來大姊掛住影相影到去護國神社咁濟...囉... 媽媽仲以為大姊肯定係去咗搵自己,不知幾自責內疚。 臨海公園能登水族館 高崗古城公園 > 臨海公園のとじま水族館 好荒蕪寒涼兼冷清嘅一個海洋公園.... 大人細路哥半個都沒有.... 裡面就真係正正得一個海洋劇場同呢個鯊魚館, 海洋生物館兩三個,其他食肆都一概沒有, 直至去到海洋劇場, 先見到全公園唯一非團友嘅一家四口日本人睇表演, 媽媽同大姊都去咗睇表演先, 而我倆小口則去咗旁邊欣賞呢個良辰美景, 望住呢個能登半島談情一番♡ 能登半島臨海公園 和倉温泉大観荘溫泉御膳 臨海公園のとじま水族館 > 和倉温泉 大観荘 係囉,又食,不過今餐有兩條魚仔燒下無咁悶~ 個個食完趕住去浸今晚首個溫泉旅館嘅呀嘛!!~ 和倉温泉 大観荘 一打開門都真係有少少震憾嘅.... 真係幾靚仲要幾大.... 門口玄關位置都咁講究, 浴室同衣帽間同洗手間, 都要獨立分成三間, 和倉温泉 大観荘 又擺滿和風字畫同竹木擺設,好禪呀~ 係好靚,不過間房真係好熱.... PAUL話日本人水口怕凍,所以得暖氣無冷氣... 只有熄咗暖氣別無選擇,蓋埋張厚棉被鋪,嘩.... 拿臨換埋件浴衣,唔理喏出發浸溫泉!!不過我係留響房,浸一個人孤獨的風呂 ..而主人臨出發溫泉去先嚟感冒作病, 同樣被迫濟留在房間陪我呵~~ 有黃金魷魚、巨峰、啤酒、白桃果酒、當造柿子 而我安頓好阿主人侍寢過後~~就走咗去隔離房~ 同媽媽大姊兩個齊齊開三個人的大食會~ 媽媽泡茶我出食物大姊出口,齊齊Selfie浴衣照~~