唔扣唔知道,原來個學名係叫電弧打火機~ 平成28年11月10日 木曜日 香港國際機場 > 中部國際機場(名古屋) 真係I'M SO SORRY, 笑咗,心都涼咗一大截XD 有人響香港過海關時, 被扣押咗佢個高智能打火機, 俗稱為: 電弧 嘅一個打火機~好型呀個名♡可惜型到盡頭便是......... 海關指算係電槍類~ ぜんぜんだめ (即: 完全不行) 某君當然發晒茅周圍刮火機, 兼且開始嘀嘀咕咕算計起, 會對人體造成傷害係幾多mA, 佢哋有無COMMON SENSE呀用下腦喇! 不過只係敢向我哋班女人仔落咀咒~~囉~~~ UTTOKO手桶御膳 中部國際機場(名古屋) > 榮町商店街 未血拼之前,當然要先比班團友醫一醫肚~ 話晒都搭咗差唔多三粒鐘機程! 不過日本人嘅胃口有咁大架咩? 一個餐每一餐差唔多有成十幾樣食物送上嚟, 食到三分之二,團友們通通都已經後繼無力, 仲陸續上埋甜品呀面豉湯呀咁! 唔食真係自覺太浪費, 愧對埃塞俄比亞一大班小朋友耶, 後來我發覺,果然只得我哋呢一行四人最惜食囉! テレビ塔 榮町商店街 :テレビ塔 (電視塔) 根據行程編排話,血拼時間只得今晚! 因為我哋參加嘅係紅葉團,無咩瘋狂購物時間架!!~ 所以大家都把握呢個良機去走火入魔~臨近集合時間我哋倆小口決定唔走地底~ 決定上地面游走一吓日本夜間嘅街頭係點~ 電視塔附近,係唔知邊隻小精靈嘅巢穴~ 我哋無WIFI所以查唔到~ 只見個個著晒Full suit企響度等運到~ 倆小口八八卦卦裝裝下, 研究大家捉緊咩等緊咩嘅時候抬頭一望, 嘩~♡個電視塔真係咁靚~~ The Westin Nagoya Castle (威斯汀名古屋城堡大飯店) 榮町商店街 > The Westin Nagoya Castle (威斯汀名古屋城堡大飯店) 嗱,間房呢........實情其實唔係話唔好, 不過又真係唔係太討好,成件事感覺上太詭異, 小妹並唔係咁鍾意,一打開個窗廉, 就對到正一正,豎咗成大個牌係度咁, 係靚係夠晒古色古香味濃, 不過唔係發晒青光咁嘅樣囉, 眼前嘅係甚巨代表性嘅名古屋象徵,叫名古屋城。 名古屋OK便利店 游走名古屋住宅區大街小巷之間 The Westin Nagoya Castle > 名古屋OK便利店 當然,四位不安於室嘅團友, 又點會甘心被困在房裡面就當一日終結 點都要食返個, 地區限定雪糕先啦Don't say other!XDDD 點都要去日本必逛景點, OK便利店打個白鴿轉~ 掃吓零食先係完美~啤啤去對酒當歌一吓~ 順便漫步吓呢個日本街頭, 游走吓人哋國家嘅住宅區~ 仲要走去名古屋城嘅護城河隔離~ 瘋狂打卡兼拍照是常識吧~