丙申年農曆六月十二 熱到甩肺 捷運(10分鐘)+高鐵(45分鐘)+計程車(15分鐘)=高山郊外踏青點 係張床碌到自然醒,嗰幾束強光射埋嚟打晒燈咁, 隔住對窗都覺得滾,原定既淡水踏車旅程, 因為女士們愛美既天性粒水了,點開口啊... 結果男士們居然一口答應?!明明一直最期待的行程 我同麗兒都交換個眼神有點奇怪,果然 「唔踩車,咁上山」 無錯,取而代之既,係烈日當空1點上郊外踏青=] 一落車氣溫有感40度之高,就已經知道今次領硬嘢, 何其壯觀既滿地膠樽遍佈山頭割據四方,咁就形成一幅星空畫 『梵谷星空草原』 草原取名既意思,原來照字面拆開黎理解就行,淺易明白。 仲以為自己呢世女,都無緣飛去紐約現化藝術博物館, 有幸拜讀梵谷既著作●星空 架啦,而家我比台北機票既價錢同車費,就可以親歷其境 大家上圖相片中所見既,並唔應該覺得係一地廢棄膠樽,而應該係梵谷既星空畫, 梵谷在法國普羅旺斯的阿爾勒所繪《夜晚露天咖啡座》(The Café Terrace on the Place du Forum) 激動流涕烏鴉飛過後,小妹匿咗入梵谷個『夜晚露天咖啡座』 唔再踏出館外範圍 笨搵一次就夠,搵多次就叫犯賤,咖啡座裡面裝潢,都要模擬畫廊咁款, 開賣同梵谷著作有關既A貨小物,反而呢個地方成為小妹除左食飯以外既出血點! 首條全手動既滑水瀡滑梯,顏生七字真言再現『係咪好搵笨呢~』 呢條瀡滑水梯就勁喏!!大有來頭! 係首條全手動既滑水瀡滑梯,拍片期間只見同行好友, 行上滑水梯頂已經要行5分鐘有多, 連爬返落滑水梯底,都要成5分鐘, 睇住佢座住水泡,由梯頂一直爬到梯尾, 拼命咁向滑水梯底以兩手划水爬行趕上終點, 猶如親眼目睹殘奧運動員鍥而不捨既毅力同體育精神, 看得我們好滾動熱血沸騰!!!你羸了我們眾人既掌聲!! 台北機票既價錢,去齊美國紐約土耳其,抵到爛喇! The Next Stop is...................十分=] 橫過靜安吊橋眼見滿空熱氣球,好似去左土耳其咁~ 原來朝早放天燈,都唔係眾人口中咁難堪吧? 所以大家都急不及待唔等夜晚,只想趕去天燈廣場, 準備為自己既理想夢想奢想妄想而奮鬥,放天燈!! 小妹呢個Moment,開始要爆喇....∑(✘Д✘๑ ) 開始七上八落冷汗直標唔停....我忍....我無咁潺!!!掛.... 小妹面癱式既笑容,就知唔頂得幾耐,點知好衰唔衰,諗住放咗手就神仙可以走 結果,齊齊睇住個天燈撞向電纜燒著咗噃!!仲要放天燈叔叔拍晒成段片歸還我哋 有個壞心腸既小女孩,由拍片開始笑到完場後,先驚覺同行既伙伴們 都瞪時呆咗仲一副非常落寞既表情,不禁異口同聲話,難道天意會心想事不成, 其實一個轉念一個天堂,天燈廣場既天燈數之不盡百家齊放,但偏偏個個都唔燒 大家許既願望立即就搶先被靈現火化咗,先人都咁即時就收到嘢係咪先~ 順順利利升空!!!心想事成!!身體健康!! 原以為事情告一段落,我都有感自己唔可以再曬...... 點知天燈叔叔免費比多個我地寫, 再寫第二次嗰剎那,我真的有感自己在寫遺言了... 我似乎真係中咗暑...然後大家都非常體諒我的廢柴, 原定要接住去九份,現在2點幾3點便要結束整日旅程 堅持送我回台北....途中還錯過了一班 1小時才開出的火車不特止,又被車長趕落車 仲一場誤會令眾人齊齊跑落車周圍搵我, 結果原來我只係攤屍火車上被人潮擋著看不見了(羞) 清真黃牛肉麵+牛肉湯餃,不過不失! 折騰咗大半日,7點左右終於可以安全回到台北去.... 大家把我送回酒店才安心下來,繼續出發士林夜市去 而小妹要留在房間好好休養,買了牛肉麵和水餃陪我 還有一支有機無味豆奶....食之無味棄之可惜.... 吃不下睡不著,攤到床邊放空一下, 總難免會沮喪亂想, 卻突然收到非常意料之外的Wechat視訊, 分隔千里仍有感陪在我身邊一整晚,Je t'aime♡