地點: 駱山公園＿*惠化站 「今日陪我搵路去熊仔Cafe食早餐好嗎? :3」 「好啊!!不過比我買定包爆谷頂檔醫醫肚先!!!我怕有排行呀!!=|」 「好!!我即買!!!!」 就係咁出發去熊仔Cafe，食有名既__*蜂蜜厚多士做早餐！ 店面裡面暫時半個客都無～包場～順順利利影齊晒一草一木～ 仲要得個幾靚既年輕韓妹響度～非常悠然咁 響收銀檯前面煮煮咖啡、排下熊仔～ Order左蜂蜜厚多士、白朱古力Mocha、焦糖Macchiato，仲有心太軟～ 之但係兩個掛住食都唔記得影埋個心太軟=P 而個蜂蜜厚多士真係非常非常好食超好食！！我未試過咁極力推崇一樣野食 咬落去真係脆會"咯"一聲～但係裡面係又鬆又軟綿綿既牛奶吐司～ 沾埋d杏仁片同Cream加埋黎食簡直真係........(散花)I'LL BE BACK=] 我杯Macchiato上面呢隻熊熊，仲要完全無因由咁， 無論我向邊個方向開始飲，想啜熊熊塊面珠躉黎飲， 熊熊塊面都好似打左Botox咁，完全唔會走樣，飲到最底個啖， 呢隻熊都依然仲係完整無缺咁，沉左響我杯底度！ 食完早餐就過左隔離既小童群益會....呀～梨花壁畫村先岩 去左壁畫村影相，不過人太多，勉強只係影左幾幅畫 然後順勢咁上左去駱山公園度，準備欣賞下東首爾全景 點擊圖片放大 +3 意料外公園入面不知不覺，原來已經開滿左好多櫻花～ 原先準備下午去既汝矣島睇櫻花，唔駛專登再搭十幾個站出去嚕～ 影夠櫻花寫真集之後，去左公園門口個小食亭度Hea下～ 呼吸下每一啖都係櫻花香味既空氣～一邊食住唔係櫻花味既雪條♡ 點擊圖片放大 已經差唔多四點左右，同薑薑響草地浪漫一下吹吹風～ ♬ ♪ 我捨不得你♬ ♪Yeah Yeah ♩ ♭ ♪ 準備搭車出發去梨泰院開餐嚕，結果行去惠化站既途中 我地又試整整行左一個站既路去左另一個車站，我地真係好叻 :3 夜晚7點幾終於先到左梨泰院既Dori Kitchen， 位置比我地想像中仲要易搵得多~我地點左最有名的啤酒雞、Fish n chip， 好似不明文規定，食烤肉一定要送啤酒，所以同薑薑額外Order 但Menu上面寫既都係韓文睇唔明，只好又喊O-ppa拍板決定~ 點擊圖片放大 以上兩道菜O-ppa話烹調需時要45分鐘！都不錯的說~ 而韓國既BR雪糕店，係我唯一對韓國最深刻印象既地方~ 所以未出發前，我已經同薑薑講定，今次韓遊之旅就算幾趕幾急幾遠 臨離開首爾前一日，都一定要陪我去BR食雪糕 作為最PERFECT既Happy Ending♡ 聽朝早機返香港，首爾最後一晚悠閒得很～ 第二朝準時４點半起身～就響A'rex Line既車廂入面邂逅左佢...♡ 就好似佢啲咁出色嘅男人，無論嚮咩地方， 都好似漆黑中嘅螢火蟲一樣，咁鮮明，咁出眾♡ ♡ 사랑한다 (sa rang han da)
