地點:弘大商圈＿*弘大入口站 一大清早去左附近既市場體驗下當地風土人情， 剛好有新鮮運送到檔口既士多啤梨，大大粒都只係10,000w三盒！(一盒兩層) 不過唔甜......每啖都係水....水.....水.....同.......水............. 唔係士多啤梨汁，真係咬水！完全無士多啤梨味........ 今日出發去弘大，搵杜小姐節目所言既， 極邪惡三重芝士辣炒雞食早餐!最期待既一餐終於黎~ 搵左好耐都唔見，Lunch都黎緊，咁岩見到呢個觀光警察Kiosk儘管試試 入到去就見到眼前兩位非常高大威猛既O-ppa，(機會來了) 而檯頭隔離放住兩部(貌似)超級電腦既電子儀器，電腦屏幕上面， 都一直顯示住一幅電子地圖，(貌似)只需要輸入資料入空白格後 超級電腦就會秒速分析，再以國際語言輸出資料既電子系統一樣， 個一剎那令我誤會，我見到曙光了，O-ppa！！(伸手) 結果出乎我意料之外，原來部超級電腦係用黎幫我Google Search， 臉上瞪時覺得貼上金箔了，我知，我睇太多科幻太空片，我錯 然後，O-ppa就用佢手上，同我手上一式兩份一模一樣， 純粹語言變左係韓文版本既地址提供比我， 指住我剛剛跑來求助的地方，突然用一口流利日文指導我行， 而我，居然用左廣東話答「即係向住左邊行?」 ....自己都不其然自嘲了....O-ppa都有d唔好意思咁又講返英文... 我唔係存心想挑釁你的O-ppa....只係小女太笨拙...真係好想搵窿捐...... 隨便搵左間同樣有得食芝士辣炒雞既食早餐， 炒年糕原來真係好好食～返香港一定要炒返幾下～ 然後就響弘大商圈四圍遊蕩閒逛掃街去～ 點擊圖片放大 最緊要當然係去Snoopen買帆布鞋，平靚正，超抵！ 同薑薑兩個各自都有大斬鑊～～仲食齊晒d有名街頭小食， 嘜鬼爆谷雪糕、造型雪條、巨型魷魚、鯛魚燒etc. 不過呢支鯛魚燒雪糕，其實有個故，話說呢檔係最出名既鯛魚燒檔， 男既負責烤、女既負責沾醬同加料，支鯛魚燒搞掂之後， 韓妹以為我接實左突然放開手，就係咁，條鯛魚就瞪時跳左落坑渠， 而個女既，突然嬲到真係彈起左，堅離地，用左成分鐘韓文大吵大罵 有一剎懷疑過坑渠入面條鯛魚既真偽，入面d餡黑色唔係紅色個噃 然後個男既都要開口Calm down佢，仲另外整過條比我，個女仔真係好嬲;( 點擊圖片放大 晚餐去左麻浦海鷗食韓燒，不過真係非常辣超級辣極辣，飲一公升水都唔夠， 薑薑完全唔食得辣，所以早就食唔落去啦，呢餐真係飽到講唔到野... 完全係抖個氣都怕自己會嘔....其實只係Order左三碟烤肉，可能係辣到胃漲...
