地點:銀湖天峰＿*巴士總站 搵呢個所謂機場巴士搵到2046…天知道位置原來， 響遠遠遠遠端處哩個正方形凹陷角落（全巴士站位置圖）， 我:唔好意思!…請問...機場巴士站....就係哩個凹陷位置...?;( 路人:係噃!就咁喳，所以個個都剩係放低件行李當排隊! 就係呢度! 如圖片所見，棗紅色肥得連腳都睇唔到既我正在排隊了................... 下機時間1848兼且完全迷失機場鐵路站，對我們呢兩個目不識丁的，好大鑊 求助機鐵站阿珠媽指點迷津，緊接連買T_money既亦非常不友善... 自問句句Gomapsseumnida雞仔咁聲(唔排除就係咁先欠揍既可能)， 我衰囉,無為意下限Recharge幾多錢，搞到韓妹分開左三次幫我儲值.. 就係咁非常艱難地終於入到閘....偏偏火車既速度慢到令人抓狂 同薑薑一直望住個路線燈再互相對望，個種不言而喻既默契大家都會心一笑~ 8個站需時40分鐘真係大開眼界，比著香港我地應該由起點站直通車出到廣州了=] 唯有不停靜雞雞影下相，打發一下時間～ 原定去仁川漁市場吃豐盛海鮮大餐做晚餐，最後計過度過， 都係留返聽朝霸氣的食龍蝦皇帝蟹同刺身等等做早餐最囂士，一於咁話 終於搭左個半鐘頭鐵路先出到市中心>>都未到目的地東大門仲要轉線 惡夢而家先開始.......就係開始進入要自己摃行李既路程... 有呢段路既出現令我地兩個非常意料之外始料不及， 點擊圖片放大 轉線都用左我地大半個鐘有多，因為首爾站真係好大，樓梯都超多， 而且我對於首爾站完全唔支援傷殘人仕這一點來說，絕對是深信不疑， 一直都無電梯甚至扶手電梯，全部行李都要扛上膊咁濟， 有數度剎那衝動，掟行李落樓梯一了百了算了， 別磨小妹的耐性及脾性，我半點也沒有，況且我行李箱從來不輕， 好幾次中途放棄想哭的賴地唔願走，提議薑薑不如訓一晚車站算， 而不幸中非常大幸的，係薑薑今次旅程非常醒目咁只係帶左個背囊型行李箱～ 所以往往每次我一頹一賴地，薑薑就會天使光咁回頭跑返黎伸出援手同我講 「等我黎!!我幫你手搬.....一邊!!.........頂住啊!!(大家要哭了)」 終於....轉到車...終於到左東大門...癱瘓賓館稍作休息， 得個10度左右(夜晚仲低多幾度)既夜晚，個暖笠笠地板真係無得輸~ 好想訓地下~~超暖超舒服仲好過張床~幾唔想走出間房 無奈落機到而家都未食飯，而體力就只係足夠 應付賓館附近既小食街、同夜市醫肚，囉!!... 點擊圖片放大 買左巨型士多啤梨、風琴魷魚等等等等街頭小食醫醫肚 仲響夜市意外收鑊到副小雲眼鏡～響批發市場走個白鴿轉湊湊熱鬧～ 點擊圖片放大 仲慕名而去左Doota! Shopping Mall地下既REMICONE雪糕店～ 食期待以久既REMICONE隔塵網雪糕=] (即烏雲雪糕) 不過真係愈夜愈多人....寧寧舍舍係呢間雪糕店人流不減反增.... 等雪糕都等到花兒也謝了....又抓到好機會不停搵野影～哈哈～ 終於等到開花有得食雪糕～果然一級棒好好味♬ ♪ 最後買Crepe做結尾時，話說我地後面跟隊既， 係一對來自香港既兩母女，同我地一樣一直食緊北風， 好鬼凍咁等緊Crepe，而車仔檔老闆唔記得收我香蕉奶既錢 我提返佢問幾錢，老闆卻完全不諳任何語言齋韓文，只好付大紙找數了 唔知後面兩位係咪凍到腦癱了，個阿媽突然開口破罵我地阻時間， 其實對話時間前後不到半分鐘，我倆裝作聽不懂，失禮既係...?? 夜晚臨訓前同薑薑例行既姊姊淘活動Girl Pillow Talk=]
