地點:Hilton Fukuoka Sea Hawk hotel@福岡 最後一日喇!!仲要係下午機走! 代表下午食個Lunch後，已經要去機場!! 今朝一起身就落Lobby食左個，要排隊等劃位既早餐... 之餘，仲要得火腿、腸仔、加蛋既早餐Buffet.. 所以個個團友都食包算....然後出發最後衝刺了 點擊圖片放大 天神地下街__*福岡 有兩個半鐘既自由活動，我就賣甩左大家單拖去逛街喏 ♪ 唔好睇少買呢轉手信，估唔到講得我最多日文， 行到山窮水盡得個窿既地步，就係呢個地方， "クレジットカードは使え?(使用信用卡嗎?)" "ない(無)" "ポイントカードは持っ?(有無集點卡?)" "ない...(無...)" "贈り物?(送比人?)" "いいえ...(唔係...)" "袋いりますか?(要不要膠袋?)" "いいよ...(好...)" "ポイントカードを申し込む....." BALABALABALABALABU------ 我既菜日文經已技窮了裝不下去.... 我來來去去識個幾句架喳.... 甚至乎張相入面既每一樣野每一件每一款， Sales姐姐們都要求你作仔細形容 小さな?(細?)、 大きい?(大?)、 新品で?(新貨?)、展示品?(Display?)、 ちょうほうけい?(長方形?)、さんかくけい?(三角形?)、 赤い?(紅色?)、黒い?(黑色?)...... ..................... "ちょっと.....すみません....私は香港人です..わかりません.....本当に...すみませんでした..." (等陣...唔好意思...我係香港人...唔明白...真係....非常之咁對不起....) ... ..... ...... 掃貨完畢 ♪兩手滿滿咁出發去食豚肉鍋~返去集合地點時驚見... Fujiya__*Peko Chan 不二家，日本老字號糕餅店....好多牛奶妹甜品蛋糕啊.... 包裝又好得意好特別...好想好想買晒返香港....但係唔放得耐機程.... 全部都好想食..............好靚好吸引啊.........一件都無得食...夠鐘了... 點擊圖片放大 やまだ家__*福岡天神店 黎得福岡之旅，緊係要品嚐下地道既博多名物__黑豚肉鍋啦♪ 不過份量真係好少好少...個個團友都想加麵食...要另外收費.... 然而食左好似無食咁真係.... 睇佢一堆成座山咁鋪...下面全部係菜葉堆出黎... 一開火....就變左一灘菜鍋........失望的說.... 福岡空港__*Fukuoka 終於回程去機場，發生左件我呢世女都唔會忘記既不快事， 當過關進行安全檢查，放左行李過機既同時， 突然間個女職員要求我"Coat，Take Off" 一個人來人往既安檢Lobby，佢要求我Take Off安檢埋件褸? 我身上就剩係著左件大褸，入面得件小背心，仲係超低胸可以叫Tube， 從來無公然著過背心走出街，我有自知之明，獻醜不如藏拙 我解釋好幾次得件背心寧願帶我入房，佢地企硬無得傾現場即刻 FINE!!___我SHOW OFF得起， 枉我兩個家姐同阿媽仲係度爆笑，真係好嬲好嬲，過關化悲憤為力量最後衝刺
