地點:九重“夢”大吊橋@大分県 蒙古包呢晚訓得最眠♡ 今日非常精靈咁出發去九重〝夢〞大吊橋， 點擊圖片放大 +2 真係過條橋罷，景色響橋上面睇沒甚麼大不了， 如果黎既時候撞正楓紅季節，就會見到呢度漫山一片紅，可惜啦~ 上都無時間上山去睇「震動の滝」，即日本票選百強既「震動瀑布」 山上面影係會影到條瀑布泉水---振振振振振住流架 ♪ 沒辦法，自由時間有限，拍張特別點點點點的照片當到橋一遊~喇! 呢張係吊橋上我腳底下，以90度垂直下拍既一張鳥瞰圖~ 每次睇返張相都好有視覺衝擊，好有正置身現場鳥瞰當中咁XD~ 張相...係我90度屈身擒出去橋度快拍架! 點擊圖片放大 散步道__*白鳥神社 神社外面既散步道反而最多野睇，相比吊橋上既景色更加好看又! 一直閒逛兩旁既小建築同擺設~ 仲遇上間賣好多日本既傳統小食同手工藝品小店~ 仲額外販賣呢杯好吸引既☆櫻花雪糕啊!! 可惜食既人唔係我囉!!我仲未咳好...眼白白而無得食... 次次就得做召喚獸既份兒去落單買雪糕...好可憐...... 點擊圖片放大 天空館土產店__*九重“夢”大吊橋 又差唔多集合時間，入左去土產店逛~ 差d出唔返黎咁多野買~ 忍住!!最重要既行程都仲未到=] ドリームソフト__*天空館土產店 忍唔到口啦!!再唔食等幾時!!聽日返香港啦!! 再戒口都唔知下次要幾多N年後再黎!!仲諗咩! 終於開齋買左第一杯雪糕 ♪ 我要Blueberry favour♥ "すみません~ブルーベリー---どうぞ!(唔好意思~藍莓--唔該!)" "はい~ちょっと待ってください~(系~請等一陣~)" "いくらですか??(幾錢啊?)" "ななひゃくどうぞ~(700yen謝謝~)" 又比我買到杯雪糕返黎而唔駛對住Menu指指貢~ 一定要影張相好好留念下呢杯，我拋出來轄出去的雪糕=] 當然仲有媽媽既ミルク牛奶口味~爽啊!! 好好好好食啊!! 唔怪得愛姊們每日最少3次當食藥咁準時!! 打後我都要每小時食一杯!! 日本D雪糕真係支支都好香濃好幼滑啊~~ すたみな太郎__*大分店 我發覺純粹係導遊哥哥想當年留學日本時，離不開既一個情意結， 所以今時今日再次舊地重遊，佢又帶我地去同一間， 只係唔同地區分別既￥980放題烤肉， 點擊圖片放大 不過，今次有幸終於食到~ 又係一開頭導遊哥哥幫我地訂既~(另外自費) 日本最有名__日本鯷魚喜知次(きちじ)同和牛(わぎゅう) 好可惜♪ 最後喜知次君、同和牛太郎， 比我們這一家白白浪費左糟蹋左，變成一團糟~ 而食落都無咩話十分之咁大不了感覺~就係成口油花♪ 點擊圖片放大 +5 表參道__*太宰府門前町 食飽左滿口油花~出發去太宰府賞梅喏~ 響通去太宰府既門前町度閒逛~ 門前町意思指寺廟、神社等呢類宗教建築周邊形成既市街同聚落~ 多野睇到呢...每間鋪都好有特色!! 每一間都鈎得起你走入去逛既意欲!! 因為每一間都係當地特色土產、小食、建築.... 自由時間得1粒鐘有無搞錯?? 點擊圖片放大 太鼓橋__*太宰府 過左呢條太鼓橋，就直達天滿宮神社既範圍喏♪ 點擊圖片放大 +5 天滿宮__*太宰府 天滿宮係主要祈求考試合格、學業有成既神社 呢隻牛!!就係摸呢隻牛既牛角，包你小朋友讀書精叻口齒伶俐 娘親肯定廿幾年前老早就黎過呢度摸牛角=p 而旁邊又有我最愛最愛既買護符既小攤檔!!好多款式啊!! 點擊圖片放大 +2 今次最開心最開心最開心既大收鑊~ 係響神舍居然買到個勾玉!!係勾玉啊!! 我真係超鍾意超鍾意勾玉!!發緊夢嗎??有得買啊!! 一見到勾玉，就諗起隻曾經玩過既乙女向Game(羞) 唯一一隻睇住故事發展會睇到喊既Game，真係好感動，即買!! 堀米商店HORIGOME__*太宰府 呢間鋪頭極級邪惡，入左去就出唔返黎，肯定洗劫到得返條橡筋.... 集所有日本既得意可愛公仔產品鎖匙扣等等等等... 通通太宰府造型限定，最緊要，唔貴!! 一定可以買光所有洗費...都買唔晒!! 行到內心極痛苦，我還要等T^T The best is yet to come..." 好邪惡!!!!!!!!!!!!!! 點擊圖片放大 +10 入左黎，包你瞪時窮回家裡去(Like) 嵐山工房布遊舍__*太宰府表參道 買左呢兩個和風散子包♥ 痛恨點解自由時間得返10分鐘.....我仲行得3分1...( ´•̥̥̥ω•̥̥̥` ) (╥﹏╥)最出名好有名，太宰府指定非吃不可既「梅ケ枝餅」， 我都未黎得切排個條四米長既隊買黎食...・゜・(PД`q｡)・゜・＿ 走走走......趕住去死麼......!!要走自己走!!... 口中默唸左幾十百遍.....偏偏唔爭氣...係咁跟住條隊尾走 點擊圖片放大 只好依依不捨咁走...臨走… 又買左杯濃濃芝麻香雪糕作完美既~省略號... ♪ Amu Plaza Hakata___*JR博多城站 一黎到已經自由活動，終極掃貨點!!同家人各自出發搵手信， 咁鬼大…搵唔到Tokyo Hands… 我已經以有限時間去搵無限既指定產品， 連隔離既商場都過埋、地庫我都唔放過!! 搵到自己都迷失埋….想搵出口都唔得… 到重遇返家人既時候，已經得返去藥房執藥的份兒XDD…... 食完個和式晚餐，去左中州不夜天作飯後散步~見識見識! 點擊圖片放大 +2 中州屋台橫丁__*中州不夜天 中州不夜天係九州至大既紅燈區、熱鬧情況、僅次於東京歌舞技町~ 屋台橫丁上~居然意外地比我地拍到夜櫻!!!!!!好靚啊!!!!!! 就係咁不停快拍之時突然人有三急，去左轉廁所者.... 出到黎....同成班團友失散晒.... 半隻小貓都見唔到，而周圍四通八達分岔N個路口... 我手上咩都無連方向都唔知響邊度.... 連酒店甚麼甚麼資料我通通都唔知...電話又無.... 剩係記得導遊話我地正響不夜城既中心， 大家千其唔好亂走要跟實D... 言之鋻鋻話，無人帶住一定出唔返去搵唔到路， 因為真係實在太大喇噃... 結果真係我走左幾條街口周圍搵都無.... 而身上就真係窮得只剩下錢同菜日文.... ------------------------------------------------- Goodness!!!!我迷失歌舞技町紅燈區(Shock!!) --------------------------------------------------- 點擊圖片放大 +2 點算....娘親而家一定會好擔心我.....點算.... 我居然流落煙花之地.....恕君兒不孝...T^T 我命運會唔會就咁改寫，(開始??)終結響紅燈區..... ......點算......我真係淆呢次... 只好躊躇地諗下一步應該點做，買地圖??但係極目四看， 都剩係得「無料案內所」(註:為遊人導覽風化場所的地方) 呢個時候，真係一剎那!!我睇漏呢眼我真係上唔返岸! 我見到其中一個正響轉角位追趕住條隊尾既團友!!!跑啦仲唔跑!!!!! 佢地岩岩好介紹緊轉彎處既一蘭拉麵!! 先咁岩係拐彎位企左係度喳!! 以後我剩係食一蘭拉麵!!出前一丁都唔食!!謝謝你!!! 真係好險......之但係......點解............................................. .... ........ 點解家人唔發覺唔見左我???......當我見返佢地既時候..... 娘親同大姐係度諗緊買唔買一蘭拉麵返香港.....(冷風吹過) 二姐正企響橋邊影緊天橋相... 見到我....都只係瞄左一瞄..........就繼續360度全方位影相...................... 「我覺得自己是零」.... 存在感等於零....當然，我都緊係若無其事扮影相，但人家好難過!!!!!!!!! Hilton Fukuoka Sea Hawk hotel__*福岡 娘親同大姐一間房，我同二姐一間， 今日一整日奔波真係身心疲乏.......... 特別夜晚個轉迷失紅燈區， 返到酒店仲要執埋d手信....執到隻積咁.... 諗住分一啲拎過隔離，比娘親同大姐間房去幫幫手 所以就留低左二姐自己一個響房......... 正當我分完比娘親同大姐之後，準備返房訓啦，點知一敲門 ................. ........................ ∑(ι´Дン)ノ嗚嘩ーー男人!!男人!!有個男人!!有個赤膊男人打開門! 我只係轉個頭出一出去，你就帶個男人返入房，你對唔對得住我இдஇ "はい..!?あの...(系?!...你係...)" 個男人一問.....呢個時候...我瞄左一瞄個門牌 "す....すみません~...♥(/∀＼*)(唔好意思...~)"， 之後我好純愛咁掉頭跑走... ........... ...................... .................................. 死蠢!!!我拍錯左對面房道門!!!!!!!ε=ε=ε=ε=ε=(;´༎ຶД༎ຶ`) 連房都唔敢返...剩係敢匿響大堂道牆後面偷望佢等佢入返房...- ┬┴┬┴┤(・_├┬┴┬┴ ಠ_ಠ 佢仲企左響門口左望右望......
