地點:宮崎@Fukuoka 真沮喪...手提無Tune返做日本時間....訓到6:30am搞到要導遊Morning Call... 今日多雲、有霧~陰中帶雨，感覺濕氣亦很重， 食完早餐，第一站出發海地獄♬ 點擊圖片放大 +5 地獄めぐり__*別府 搞笑...真係入場剩係圍住個血池地獄同海地獄行一圈就無啦.... 事實上仲有好多個地獄，除左有呢個紅色溫泉水既血池地獄、 藍色溫泉水仲有成98度既海地獄(只適合觀賞同煮溫泉蛋)、 另外仲有高稠度泥漿既鬼石坊主地獄，聽講溫泉水冒出黎既聲音有成98分貝架噃... 仲有個叫龍巻地獄，話會好似龍捲風一樣咁噴出高達20公尺既熱溫泉水， 其餘既明明仲有山地獄、白池地獄、鬼山地獄同火爐地獄........ 不過通通另外收費自付...而且每個地獄各自分佈位置相距太遠， 自由時間就得45分鐘連準時上車集合，移動去另一個地獄都要額外多10至15分鐘 無奈情況下，唯有響海地獄範圍附近行下土產店，睇下溫室睡蓮喏! 點擊圖片放大 +3 極樂饅頭__*海地獄 一睇見個名就好好奇~係咪真係好極樂~拿臨買黎試~~ 右邊白色個粒石春，得拇指頭咁大粒! 口感煙煙韌韌好好玩~原來入面包紅豆沙餡~ 左邊普通一個饅頭口感，都係包紅豆沙餡!開心Share 點擊圖片放大 +2 土產店入面仲有好出名既海地獄溫泉蛋同海地獄布甸!點都係覺得特別好食~ 45分鐘眨下眼就完，出發去食980Yen燒肉放題! 江戶一すたみな太郎__*宮崎 我個咳一直都唔好返....晚晚咳到訓唔著4點先訓... 睇住個個食雪糕、飲凍飲、食烤肉、我都唔敢食怕食多...沮喪... 味道真係好麻麻，好似香港間韓燒仲好味過佢... 不同之處係呢度有綿花糖機同Crepes Maker比你自己DIY整返件(不過無開機..) 點擊圖片放大 有感呢條係《千與千尋》條隧道，又或者取材自此!真係好似 點擊圖片放大 +4 鵜戶神宮(うどじんぐう)__*宮崎縣日南市 同樣係散步道罷了~最開心係祈左福許願身體健康=] 點擊圖片放大 +4 呢度有好多護身符買花多眼亂~揀左比姊妹們一人一揪花花護符做信物~ 又揀左個專治御守比萍萍豬同阿火~Just For You You You You n Me!! 係咪好靚呢~~我都覺♥另外有個「元氣御守」一直徘徊左響檔攤前面唔知買唔買好... 因為都成2xx港紙...身體真係好緊要...企左幾分鐘...個巫女差D以為我想偷護身符XD~ 突然隔離有堆「支那人」迫開左我，咁我讓一讓算啦當自己再諗諗... 結果轉個頭，真係轉個頭喳!班「支那人」將成>>盒入面八個一個不漏買清光!! 你地真係要買定多幾箱傍身囉!!!!!!祝你身體健康!!!!!!!!討厭!!唔買左成個檔攤去!! 一肚氣走出黎，見到愛姊同娘親手上面拎住D石頭不停向海邊掟出去， 下?咁無公德心點解??? 點擊圖片放大 原來係鵜戶神宮獨有既許願方法~用100yen買5粒石頭(好似話真係餅來??食得??) 男用左手女用右手,對住中坑個頭掟落去(石頭上中間，用繩圍住既坑，就係中坑) 掟中左中坑~就代表你個願望，石龜會幫你達成答應你喏~(原來係龜黎架!) "睇你做化啦施主" 愛姊分左一個機會比我，仲等咩!!!(奮力一擲) "我要身體健康!!!!" "噗通" 應聲跌入鹹水海....................... 唉....算數....還是認命吧...睇黎下半年都係要同Panadol作伴(拍肩) 點擊圖片放大 鬼の洗濯板__*宮崎市青島 今日旅程既最後一站 __「鬼之洗板」 環境同我去澳洲Seal Bay海獅灣近似度有85%!!好懷念啊!!! 15%差在澳洲個樹真係會驚呆個隻嘆為觀止， 平生一定要走轉澳洲Seal Bay，不要問只要信!=] 近似度最高係同樣一望無際凍到嘔茄!! 輪住影一張相就走真係...呢下狀況我真係有點意料之外.... 話有半個鐘活動時間去下廁所行下土產店....Ok....(汗") 點擊圖片放大 +7 ANA Holiday Inn(ANA ホリデイ・イン リゾート)__*宮崎 點擊圖片放大 返到酒店食個自助晚餐後去浸溫泉，原來馬油產品真係正!! 仲有支PEELING用完滑一滑!!GOOD!! 指定呢隻牌子，隻馬個icon既上頭先岩!!好多假貨!極品!! ............... .......................... 點擊圖片放大 +2 同場加映: 想當年，我在澳洲的日子=] Seal Bay___*Melbourne(墨爾本)
